Առաջիկայում տեղի կունենա Մնացականյան-Մամեդյարով հանդիպումը. Ադրբեջանի ԱԳՆ

Հայաստանի և Ադրբեջանի արտգործնախարարների հերթական հանդիպումը տեղի կունենա առաջիկայում ԵԱՀԿ Մինսկի խմբի համանախագահ երկրներից մեկի մայրաքաղաքում: Այս մասին Բրյուսելում հայտարարել է Ադրբեջանի ԱԳ նախարար Էլմար Մամեդյարովը:

Ինչպես հաղորդում է ադրբեջանական ONA գործակալությունը, նա նշել է, որ այս կապակցությամբ համաձայնություն է ձեռք բերվել. 

«Հիմա մենք պետք է փոքր-ինչ ընդմիջենք: Ադրբեջանի նախագահն ու Հայաստանի վարչապետը հանձնարարել են ԱԳ նախարարներին շարունակել աշխատանքը: Շատ շուտով տեղի կունենա երկկողմ հանդիպումը, մենք արդեն համաձայնեցրել ենք ժամկետը՝ ավանդաբար կողմերը կհրապարակեն ժամկետը միաժամանակ: Այն տեղի կունենա ԵԱՀԿ Մինսկի խմբի համանախագահ երկրներից մեկի մայրաքաղաքում»,- հավելել է Մամեդյարովը: