Փորձագետներ. Պակիստանն Ադրբեջանին համարում է ամենամերձավոր դաշնակից

Պակիստանը դիտարկում է Ադրբեջանը, որպես իր ամենամերձավոր բարեկամ և դաշնակից: Երկու երկրների միջև առկա են սերտ կապեր, այդ թվում ռազմա-տեխնիկական ոլորտում: Այդ մասին հայտարարել է պակիստանցի ռազմական փորձագետ Կայզեր Թուֆայլը:

Պակիստանցի մեկ այլ ռազմական փորձագետ Աբուզեր Իլյասը հայտարարել է, որ Պակիստանի հարաբերությունները մահմեդական երկրների՝ Թուրքիայի, Ադրբեջանի, Սաուդյան Արաբիայի, Մալազիայի, Բոսնիայի ունեն կարևոր նշանակություն:

Նա հավելել է, որ պակիստանցիները թուրքերին և ադրբեջանցիներին համարում են իրենց եղբայրները: