29.03.2024
Նիկոլ Փաշինյանը կարևորել է ժողովրդագրական վիճակի բարելավման հասցեական ծրագրերը
prev Նախորդ նորություն

Նորություններ գործընկերներից

Միհրան Պողոսյանը կանչվել է հարցաքննության, սակայն չի ներկայացել. ՀՔԾ

ՀՀ ԴԱՀԿ ծառայության նախկին պետ, արդարադատության գեներալ, ԱԺ 6-րդ գումարման պատգամավոր Միհրան Պողոսյանը հրավիրվել է Հատուկ քննչական ծառայություն հարցաքննության՝ Պանամայում գրանցած օֆշորային ընկերությունների վերաբերյալ հարուցված քրեական գործով: Այս մասին տեղեկացրել է ՀՔԾ  խոսնակ Մարինա Օհանջանյանը:


Նրա խոսքով, Պողոսյանը նախկին հրավերից հետո չէր ներկայացել հարցաքննության՝ պատճառաբանելով, որ արտերկրում է։ Նա առաջարկել է իրեն հարցաքննել տեսակապի միջոցով, ինչը մերժվել է, քանի որ այդպիսի ընթացակարգ օրենքով նախատեսված չէ։


«Վարույթն իրականացնող մարմինը Պողոսյանին կրկին հրավիրել է հարցաքննության՝ առաջարկելով հայտնել Հայաստան վերադառնալու ժամկետները»,- ասել է Օհանջանյանը:


Հիշեցնենք, ավելի վաղ ՀՔԾ-ն հայտնել էր Միհրան Պողոսյանի օֆշորային սկանդալի գործի վերաբացելու մասին:


2016 թվականին «Հետք» լրատվամիջոցը՝ իր «Պանաման նվաճած հայ գեներալը․ Միհրան Պողոսյանի օֆշորային ընկերությունները և հաշիվները շվեյցարական բանկերում» հրապարակման մեջ բացահայտել էր այդ ժամանակ ՀՀ գլխավոր հարկադիր կատարող, արդարադատության գեներալ-մայոր Միհրան Պողոսյանի ընկերությունները Պանամայի օֆշորային գոտում։ Համաձայն գաղտնազերծված փաստաթղթերի՝ ՀՀ գլխավոր հարկադիր կատարողը բաժնետեր էր Պանամայում գրանցված երեք ընկերությունների՝ «Սիգթեմ ռեալ իսթեյթ ինքորփորեյթիդ» (Sigtem Real Estates Incorporated), «Հոփքինթեն թրեյդինգ ինքորփորեյթինգ» (Hopkinten Trading Incorporated), «Բանջիո ինվեստ» ԲԸ (BANGIO INVEST S.A.): Հրապարակումից հետո Պողոսյանը հրաժարական էր տվել ԴԱՀԿ պետի պաշտոնից:


Սակայն 2017 թվականի հունվարի 23-ին ՀՔԾ-ն որոշում էր կայացրել Պողոսյանի նկատմամբ քրեական հետապնդում չիրականացնելու և քրեական գործով վարույթը կարճելու մասին՝ նրա արարքում հանցակազմի բացակայության հիմքով:


 


 

Նիկոլ Փաշինյանն ու Անջեյ Կասպրչիկը քննարկել են ղարաբաղյան հակամարտությունը
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար