28.03.2024
ԵԱՀԿ-ն պլանային դիտարկում է անցկացրել Հադրութի շրջանից դեպի հյուսիս-արևելք ընկած հատվածում
prev Նախորդ նորություն

Նորություններ գործընկերներից

Ադրբեջանը լայնամասշտաբ զորավարժությունների ժամանակ գործարկել է «Պոլոնեզ»-ները (տեսանյութ)

Ադրբեջանի զինված ուժերը մարտի 11-ին մեկնարկած լայնամասշտաբ զորավարժությունների ժամանակ գործարկել է Բելառուսից վերջերս ձեռք բերած «Պոլոնեզ» համազարկային կրակի ռեակտիվ համակարգերը:


«Պոլոնեզ»-ի 6 հաշվարկը երեւում է Ադրբեջանի ՊՆ-ի հրապարակած կադրերում: «Ըստ վարժանքների՝ հրթիռային ստորաբաժանումները տագնապի ազդանշանով բարձրացվել են ու լքել մշտական տեղակայման վայրը: Մեկնարկային դիրքեր զբաղեցրած ստորաբաժանումներն առավելագույնը ռազմականին մոտեցված պայմաններում իրականացրել են պայմանական թշնամու թիրախներին հրթիռներով հարվածելու առաջադրանքներ»,-ասվում է ՊՆ հաղորդագրությունում:


Ավելի վաղ հայտնել էինք, որ զորավարժություններին մասնակցում է մինչև 10 000 զինծառայող, 5000 միավոր տանկ, զրահատեխնիկա, այդ թվում՝ ավտոմոբիլային և հատուկ տեխնիկա, տարբեր տրամաչափի մինչև 300 հրթիռահրետանային սարքեր, համազարկային կրակի ռեակտիվ համակարգեր և ականանետեր, տարբեր նշանակության մինչև 20 միավոր բանակային և մարտական ավիացիա:


Վարժանքների շրջանակում զորքերը կիրականացնեն հարձակողական գործողության նախապատրաստում, մի քանի ուղղությամբ պայմանական թշնամուն հարվածներ հասցնելու, պաշտպանությունը ճեղքելու և ռազմական խմբավորումները ջախջախելու առաջադրանքներ:


Վրաստանից Հայաստան փորձել են թաքուն տեղափոխել կրիպտոարժույթի մայնինգի սարքավորումներ․ ՊԵԿ
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար