ՆԱՏՕ-ի գլխավոր քարտուղարը մարտի երկրորդ կեսին այցելելու է Վրաստան

ՆԱՏՕ-ի գլխավոր քարտուղար Յենս Ստոլտենբերգն այսօր ասել է, որ մարտի երկրորդ կեսին այցելելու է Վրաստան:

«Այս ամիս ավելի ուշ, այցելելու եմ Վրաստան: Դա Վրաստանի հետ մեր ամուր գործընկերության և քաղաքական երկխոսության մաս է կազմում: Ես հանդիպելու եմ Վրաստանի քաղաքական ղեկավարությանը, ինչպես նաև ներկա եմ գտնվելու ՆԱՏՕ-Վրաստան համատեղ զորավարժությանը», - Բրյուսելում այսօր ասել է ՆԱՏՕ-ի գլխավոր քարտուղարը:

Զորավարժություններն անցկացվելու են մարտի 18-19-ը՝ Կրծանիսիի ռազմաուսումնական կենտրոնում: ՆԱՏՕ-ի անդամ և գործընկեր 23 երկրներ մասնակցելու են այդ զորավարժություններին:

«Այդ զորավարժությունները մենք կանոնավոր անցկացնում ենք, և դա արտահայտում է ՆԱՏՕ-ի ու Վրաստանի սերտ գործընկերությունը», - ասել է Ստոլտենբերգը: