Փաշինյանը հույս ունի, որ Վլադիմիր Պուտինի պաշտոնական այցը ՀՀ այս տարի կկայանա

Ես հույս ունեմ, որ այս տարի ՌԴ նախագահ Վլադիմիր Պուտինը պաշտոնական այցով կժամանի Երևան: Այս մասին TASS-ին տված հարցազրույցում ասել է ՀՀ վարչապետ Նիկոլ Փաշինյանը:

«Մենք դա քննարկել ենք Ռուսաստանի նախագահի հետ հեռախոսազրույցի ժամանակ: Եվ մեր աշխատակազմերը այժմ քննարկում են այդ հարցը», - ասել է նա:

Փաշինյանը նշել է, որ այս տարի սպասվում է նաև հանդիպում ՌԴ վարչապետ Դմիտրի Մեդվեդևի հետ, որը ապրիլի 29-ին կժամանի Երևան՝ ԵԱՏՄ միջկառավարական խորհրդի նիստին: 

Հայաստանի վարչապետը նշել է, որ շատ կարևոր է, որպեսզի Ռուսաստանի հասարակությունը հասկանա անցած տարի ՀՀ-ում տեղի ունեցած թավշյա հեղափոխության բնույթն ու դրա դրդապատճառները: Նա ցավով է նշել, որ մինչ օրս Ռուսաստանի որոշ վերլուծական շրջանակնեև կատարվածը ներկայացնում են որպես գունավոր հեղափոխություն, բայց Հայաստանի համար կարևոր է, որպեսզի ռուսաստանցի գործընիկերներն ու ընկերները հասկանան, որ դրանում որևէ աշխարհաքաղաքական ենթատեքստ չի եղել և որևէ օտարերկրացի ուժ դրանում ներգրավված չի եղել.

«Դա ազգային արժանապատվության և իմ արժանապատվության հարցն է: Նման ներկայացնումը կնշանակի, որ ինչ-որ մեկը օգտագործել է հայ ժողովրդին իր աշխարհաքաղաքական շահերի համար, իսկ դա վիրավորական է: Հայաստանն անկախ պետություն է, անկախ ազգ, որն ունի բարձր արժանապատվություն»,- ասել է Փաշինյանը:  

Վարչապետը նաև անդրադարձ է կատարել ԵԱՏՄ-ին և ԱՊՀ-ին՝ նշելով, որ այդ միավորումները շատ կարևոր են Հայաստանի համար: Բայց, շարունակել է նա, հարկավոր է աշխատել դրանց արդյունավետությունը բարձրացնելու ուղղությամբ: