Ռուսաստանը Կա-32 առաջին բազմանպատակային ուղղաթիռն է տրամադրել Թուրքիային

Ռուսաստանը Կա-32 առաջին բազմանպատակային ուղղաթիռն է տրամադրել Թուրքիային՝ երեք մեքենայի մատակարարման վերաբերյալ պարտավորագրի շրջանակներում: Այդ մասին հայտնել է «Ռուսաստանի ուղղաթիռներ» հոլդինգի գլխավոր տնօրեն Անդրեյ Բոգինսկին:

«Այժմ մենք ուղղաթիռներ ենք հանձնում Թուրքիային, երեք մեքենայից մեկն արդեն այնտեղ է: Մարտի վերջին՝ տարվա երկրորդ եռամսյակում, պլանավորում ենք շարունակել բանակցությունները մատակարարումների ընդլայնման շուրջ»,-ասել է նա IDEX-2019 սպառազինությունների ցուցահանդեսի ընթացքում: