29.03.2024
Գագիկ Ծառուկյանը Սոչիում մասնակցել է Ռուսական ներդրումային համաժողովի աշխատանքներին
prev Նախորդ նորություն

Նորություններ գործընկերներից

Փաշինյանի դեմ ձևավորվում է 2 ընդդիմադիր ճակատ

ԱԺ «Լուսավոր Հայաստան» խմբակցության ղեկավար Էդմոն Մարուքյանն ԱԺ-ում խիստ քննադատության ենթարկեց Նիկոլ Փաշինյանի կառավարությանն ու նրանց կողմից ներկայացված կառավարության ծրագիրը: Կառավարության ծրագրի քննադատությամբ հանդես եկավ նաև ԲՀԿ-ն:


Խորհրդարանն ընդունել է կառավարության ծրագիրը 82 «կողմ» եւ 37 «դեմ» ձայնով։ ԲՀԿ պատգամավորների մեծ մասը «դեմ» է քվեարկել։


ՀՀ-ի ներքաղաքական կյանքում տեղի են ունենում հետաքրքիր զարգացումներ: Փաշինյանի կառավարությունը քննադատության թիրախ է դառնում ոչ միայն արտախորհրդարանական ուժերի` ՀՀԿ, ՀՅԴ-ի կողմից, այլ նաև արդեն խորհրդարանական ընդդիմության կողմից:


ԼՀԿ-ԲՀԿ-ն իրենց քննադատության թիրախ էին դարձրել Փաշինյանի կառավարության ծրագրի տնտեսական մասը, որը չի բավարարում նաև հանրության մեծամասնությանը: Թավշյա հեղափոխությունից հետո հանրության մեծամասնությունը ցանկանում էր տեսնել արագ ու որակական փոփոխություններ տնտեսական կյանքում: Սակայն ՀՀ կառավարության ծրագիրն այդպիսի փոփոխություններ չի ենթադրում. դա հիմնականում բարի ցանկությունների մասին փաստաթուղթ է:


Փաշինյանը շուտով բախվելու է ուժեղ քաղաքական ճնշումների: ԲՀԿ-ԼՀԿ-ն ընդդիմադիր ճակատ են ստեղծում ԱԺ-ում, քննադատության թիրախ են դառնալու կառավարության տնտեսական քաղաքականությունն ու ապագայում հնարավոր է նաև արտաքին քաղաքականությունը, եթե Փաշինյանը որոշի փոխել արտաքին քաղաքական ուղենիշները դեպի Արևմուտք կամ փորձի գնալ զիջումների արցախյան հարցում:


Կառավարության ծրագիրը դառնում է ընդդիմության միավորող, գեներացնող այն փաստաթուղթը, որի շուրջ ընթանալու է Փաշինյանի կառավարության ու ԱԺ-ի ընդդիմության` ԲՀԿ-ԼՀԿ պայքարը միմյանց դեմ մոտակա ժամանակներս:


Ինչ վերաբերվում է արտախորհրդարանական ուժերին, ապա ՀՀԿ-ն ու ՀՅԴ-ն նույնպես խիստ ու ամենօրյա քննադատության են ենթարկում Փաշինյանին, այդ թվում արտաքին քաղաքականության, արցախյան հարցում քայլերի ու ներքին քաղաքականության համար:


Եթե ներքաղաքական պայքարը շարունակվի սրվել, իսկ դրա համար կան բոլոր նախադրյալները, ապա Փաշինյանը բախվելու է միանգամից երկու ընդդիմադիր ճակատների՝ ԱԺ-ից ներս ու խորհրդարանից դուրս, որոնք փորձելու են տարբեր ԶԼՄ-ների ու սոցիալական հարթակների միջոցով գեներացնել հասարակության դժգոհությունը` քաղաքական դիվիդենտներ ստանալու ու սեփական էլեկտորատը ձևավորելու համար:


 

Գազալցակայաններում գազի գինը կբարձրանա, բայց սպառողը դրանից չի տուժելու. Փաշինյան
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար