29.03.2024
Մամուլ. Ովքե՞ր են պաշտպանելու Սերժ Սարգսյանին
prev Նախորդ նորություն

Նորություններ գործընկերներից

Սերժ Սարգսյանի հետ հանդիպմանը որևէ պարտադրանք զիջումների մասով չի եղել. Բալասանյան

Սերժ Սարգսյանի հետ հանդիպմանը որևէ պարտադրանք, այն էլ՝ զիջումների մասով, չի եղել։ Այս մասին «Արցախպրեսի» հետ զրույցում ասել է Արցախի անվտանգության խորհրդի քարտուղար Վիտալի Բալասանյանը` անդրադառնալով Արցախի Պաշտպանության բանակի նախկին հրամանատար Սամվել Բաբայանի այն հայտարարությանը, թե Սերժ Սարգսյանը Արցախի ներկայիս իշխանությունների հետ քննարկումների ժամանակ անդրադարձել է տարածքային զիջումներին և իշխանություններն այդ առաջարկներին չեն ընդդիմացել:

Բալասանյանը նշեց, որ Սերժ Սարգսյանի հետ 2016 թ․ ապրիլյան կռիվներից հետո ունեցել են երկու հիմնական հանդիպում․ մեկը՝ ապրիլի վերջին, մյուսը՝ հուլիսի 16-ին՝ Թուրքիայում հեղաշրջման փորձից մեկ օր հետո և Երևանում ՊՊԾ գնդի և հարակից տարածքի գրավումից մեկ օր առաջ։ Առաջին հանդիպմանը մասնակցում էին զույգ նախագահները և Արցախի խորհրդարանական խմբակցությունները, իսկ երկրորդը հրավիրյալների ավելի ընդլայնված կազմ ուներ․ ներկա էին նաև շարժման և պատերազմի վետերանները, այդ թվում՝ առաջին ջոկատապետ Արկադի Կարապետյանը՝ «Դաշնակ Ագոն»»։

Հարցին` ի՞նչ է քննարկվել հանդիպումների ժամանակ, և արդյոք պաշտոնաթող նախագահ Սերժ Սարգսյանի կողմից եղել են ճնշումներ արցախյան կողմին զիջումների մղելու համար, անվտանգության խորհրդի քարտուղարը պատասխանել է․

«Այդ հանդիպումների միակ օրակարգային հարցն այն էր, թե ինչպես ենք մենք՝ արցախյան վերնախավս, պատկերացնում հարցի լուծումը և Արցախի անվտանգության հետագա ամրացման հարցը։ Այս թեմայի շուրջ էլ ծավալվել է ազատ քննարկում։ Որևէ պարտադրանք, այն էլ՝ զիջումների մասով, չի եղել։ Մենք հստակ նշել ենք, որ Արցախի կարգավիճակի ու անվտանգության մասով որևէ բացասական փոփոխություն մերժելի է մեզ համար։ Ինչ վերաբերում է Սերժ Սարգսյանին, որն այդ ժամանակ ակտիվորեն ներգրավված էր ադրբեջանական կողմի հետ բանակցային հանդիպումներում, ապա վերջինս, մեզ ականջալուր, շատ պարզ կերպով ամփոփման է եկել, որ անկախ ամեն ինչից՝ մենք պետք է պատրաստ լինենք պատերազմի»,- նշել է Բալասանյանը։

Վերջինիս խոսքով՝ այդ հանդիպումների ժամանակ համապատասխան հետևություններ են արվել նաև 2016 թ․ ապրիլյան կռիվների ժամանակ վերհանված սխալներից․ «Սերժ Սարգսյանը խոստացել է, որ շտկվելու են ապրիլյանի ժամանակ երևան եկած բացթողունմերը, և պետք է նշեմ, որ այդ խոստումը կատարվել է ինչպես սպառազինության մատակարարման, այնպես էլ ինժեներաշինարարական աշխատանքների մասով»,- եզրափակել է Վիտալի Բալասանյանը։


 


 


 

Երեւանում կտեղադրվի Մարտի 1-ի զոհերի հիշատակը հավերժացնող հուշարձան
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար