Փորձագետը` Ղարաբաղի մասին. Փաշինյանը զգուշանում է կրկնել Լևոն Տեր-Պետրոսյանի ճակատագիրը

Ռուսաստանցի փորձագետ Ալեքսեյ Ֆենենկոն հայտարարել է, որ Նիկոլ Փաշինյանը ցանկանում է գնել Արևմուտքի լոյալությունը` ղարաբաղյան հարցում ստատուս-քվոյի դիմաց:

Նա նշել է, որ ՌԴ-ից հեռվանալով Փաշինյանը հույս ունի ստանալ Արևմուտքի լոյալությունը, նման ռազմավարություն ժամանակին որդեգրել էր Սահակաշվիլին:

Ըստ նրա, Նիկոլ Փաշինյանից սպասում են 2016թ.-ի պետերբուրգյան պայմանավորվածությունների կատարում` փուլային տարբերակով: Սակայն Փաշինյանը զգուշանում է կրկնել Լևոն Տեր-Պետրոսյանի ճակատագիրը: 1997թ-ին Տեր-Պետրոսյանը ստորագրեց Ղարաբաղի կարգավիճակի հարցով մասնակի համաձայնագիրը, սակայն արդեն 1998թ-ին նա հեռացվեց ղարաբաղյան կլանի կողմից:

Նա հավելել է, որ ՀՀ վարչապետը զգուշանում է ազդեցիկ ղարաբաղյան կլանից, որը դեռևս ուժեղ է ՀՀ-ում և փորձում է խաթարել ցանկացած զիջումներ Ղարաբաղի հարցում: