28.03.2024
Ռուսական գազը սահմանին լինելու է 215 դոլար. 168.am
prev Նախորդ նորություն

Նորություններ գործընկերներից

«Արմենալ»-ը շունչ կքաշի. ԱՄՆ-ն հանում է «Ռուսալ»-ի վրայից պատժամիջոցը

ԱՄՆ-ի հարցերով փորձագետ Սուրեն Սարգսյանը ֆեյսբուքյան իր էջում գրում է. ««Ռուսալ»-ի վրայից սանկցիան հանում է ԱՄՆ-ի գանձապետական դեպարտամենտը: «Արմենալ»-ը շունչ կքաշի, հայ-ամերիկյան առևտրաշրջանառությունը` նույնպես»: Նա հրապարակել է նաեւ ԱՄՆ-ի գանձապետական դեպարտամենտի որոշման տեքստը: 



Ռուսաստանի նկատմամբ Միացյալ Նահանգների սահմանած պատժամիջոցների հետևանքով Русал-ի հայաստանյան ձեռնարկությունը սկսել էր կրճատել արտադրանքը: Այդ մասին հայտնել էր Reuters-ը՝ ընդգծելով, որ տեղեկությունը ստացել է երկու աղբյուրներից:


Ամերիկյան պատժամիջոցների հետևանքով «Ռուսալ Արմենալ»-ը ձեռնամուխ էր եղել արտադրության ծավալների կրճատմանը, ինչի հետևանքով էլ 670 աշխատակից ունեցող ընկերությունը այս տարվա սեպտեմբերի վեջին հարկադիր արձակուրդի էր ուղարկելու 184 աշխատակցի: Ըստ ռուսաստանյան լրատվական գործակալության, 2016թ․ «Ռուսալ Արմենալ»-ը արտադրել էր 30 հազար տոննա ալյումինե նրբաթիթեղ, 2017թ․՝ 33.7 հազար տոնա, որի հիմնական մասն արտահանվում է Մացյալ Նահանգներ:


Արտադրության ծավալների կրճատման հետեւանքով մոտ մեկ երրորդով կրճատվել էին նաեւ «Ռուսալ Արմենալ» ընկերության հարկային վճարները:


Պետեկամուտների կոմիտեի այս տարվա սեպտեմբերին հրապարակած տվյալների համաձայն, ռուսաստանյան Русал ընկերությանը պատկանող «Ռուսալ Արմենալ» ընկերությունը այս տարվա առաջին կիսամյակում Հայաստանի պետբյուջե է փոխանցել 667.6 միլիոն դրամ հարկ ու տուրք, ինչը 31.2 տոկոսով պակաս է նախորդ տարվա նույն ժամանակահատվածի համեմատ (2017թ․ առաջին կիսամյակում «Ռուսալ Արմենալ»-ը վճարել էր 969.9 միլիոն դրամ):


Եթե 2017թ․ առաջին կիսամյակի ավարտին «Ռուսալ Արմենալ»-ը հայաստանյան առաջին հազար խոշոր հարկատուների ցանկում 64-րդն էր, ապա այս տարվա առաջին կիսամյակի վերջին արդեն 122-րդն էր:


Ռուսաստանցի օլիգարխ Օլեգ Դերիպասկային պատկանող Русал ընկերությունը դեռևս 1940 թ․ հիմնդրված Քանաքեռի ալյումինի գործարանը ձեռք բերեց 2000թ․, որի հիման վրա էլ ստեղծվեց «Ռուսալ Արմենալ»-ը: Ներկայում Русал-ը համարվում է ալյումինի արտադրության ոլորտում գործող աշխարհում երկրորդ խոշոր ընկերությունը:


 


 


 


 


 


 


 


 

Ինչո՞ւ սպանության մեջ մեղադրվող ՌԴ զինծառայողը չի տեղափոխվել ՀՀ համապատասխան հիմնարկ
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար