Հայ-ռուսական հարաբերությունները չեն տուժել հեղափոխությունից. Սերգեյ Կոպիրկին

Հայ-ռուսական ռազմավարական հարաբերությունները չեն տուժել ո՛չ հեղափոխության ժամանակ, ո՛չ հետհեղափոխական գործընթացների հետևանքով: Այս մասին լրագրողների հետ հանդիպմանը հայտարարեց ՀՀ-ում ՌԴ դեսպան Սերգեյ Կոպիրկինը:

Նա նշեց, որ Հայաստանում տեղի ունեցած և շարունակվող քաղաքական իրադարձությունները չեն հանգեցրել բազային փոփոխության հայ-ռուսական հարաբերություններում:

Դեսպանը հաջողություններ ցանկացավ ՀՀ նոր ձևավորված Ազգային ժողովին և դեռ նոր  ձևավորվելիք կառավարությանը և հավաստիացրեց, որ Ռուսաստանը պատրաստ է ամեն կերպ աջակցել Հայաստանին խնդիրների լուծման հարցում: