Տաջիկստանը ՀԱՊԿ գլխավոր քարտուղարի պաշտոնում կաջակցի Բելառուսի թեկնածուին

ՀԱՊԿ անդամ Տաջիկստանը կառույցի գլխավոր քարտուղարի պաշտոնում կաջակցի Բելառուսի առաջադրած թեկնածուի Ստանիսլավ Զասին: Այս մասին վերջինիս հետ հանդիպմանը հայտարարել է Տաջիկստանի նախագահ Էմոմալի Ռահմոնը:

Հիշեցնենք, անցած հինգշաբթի Բելառուսի նախագահ Ալեքսանդր Լուկաշենկոն հայտարարեց, որ ՀԱՊԿ գլխավոր քարտուղար կդառնա Բելառուսի ներկայացուցիչը: Մինչդեռ պաշտոնական Երևանը շարունակում է պնդել, որ հայկական դիրքորոշումը չի փոխվել և Հայաստանն ունի իր թեկնածուն, ով պետք է զբաղեցնի ՀԱՊԿ գլխավոր քարտուղարի պաշտոնը մինչև 2020 թվականը:

Նախօրեին Լուկաշենկոն նաև առաջարկեց, որ Զասը այցելի ՀԱՊԿ բոլոր պետություններ, այդ թվում և Հայաստան: