28.03.2024
Փորձագետ.ԱՄՆ-ի նպատակն է մասնատել Սիրիան և տապալել Ասադին
prev Նախորդ նորություն

Նորություններ գործընկերներից

Փորձագետներ. Էրդողանի սպառնալիքները՝ ռուսական գազի համար զեղչեր ստանալու պայքար է

Թուրքիայի նախագահ Ռեջեփ Թայիփ Էրդողանը հայտարարել է, որ Անկարան կարող է հրաժարվել ռուսական գազի գնումներից և Մերսինում համատեղ Ակկույու ատոմակայանի շինարարությունից, որի համաձայնագիրը երկու երկրների միջև կնքվել էր 2010թ.-ին:

Անկարայում TOBB Էկոնոմիկայի և տեխնոլոգիաների համալսարանի դոցենտ, թուրք քաղաքագետ Թողրուլ Իսմայիլը նշել է, որ պետք է հաշվի առնել այն հանգամանքը, որ ճգնաժամի պայմաններում քաղաքական գործիչները հանդես են գալիս իրենց շահերից բխող հայտարարություններով:

Ըստ նրա, առաջինը պետք է հաշվի առնել, կկարողանա արդյոք Թուրքիան տնտեսական իմաստով հրաժարվել ռուսական գազից, երկրորդ՝ Ակկույուի շինարարությունը միջազգային նախագիծ է, և ինքանո՞վ է ռուսական կողմը կատարում իր պարտականությունները: Քաղաքագետի խոսքով, Թուրքիայի նախագահի հայտարարությունները պետք է դիտարկել որպես ոչ թե սպառնալիք, այլ նախազգուշացում ՌԴ-ին: Ըստ նրա, որպես քաղաքական գործիչ Էրդողանը պետք է պաշտպանի իր հեղինակությունը և նա փորձում է դա անել այդպիսի հայտարարություններով, փոխանցում է mk-turkey.ru կայքը:

Էներգետիկ զարգացման հիմնադրամի տնօրեն Սերգեյ Պիկինը կարծում է, որ ռուսական օդուժի կողմից թուրքական օդային տարածքի խախտման հետ կապված Թուրքիայի նախագահ Էրդողանի՝ ռուսական գազից հրաժարման մասին հայտարարությունը պետք է դիտարկել որպես սպելուլյացիա և գազի համար հերթական զեղչերը ստանալու փորձ:

Նա նշել է, որ թուրքերը հիանալի հասկանում են, որ օպերատիվ կերպով ռուսական գազը փոխարինել նրանց չի հաջողվի: Փաստ չէ, որ հեղուկ գազը, որ Թուրքիան գնելու է այլ վաճառողներից ավելի էժան կլինի, քան "Երկնագույն հոսքով" կամ կառուցվող "Թուրքական հոսքով" առաքվող գազը: Ըստ նրա, գնել թանկ գազ միայն թե բարկացնեն Մոսկվային, ինչպես անում է Ուկրաինան, Անկարան հաստատ այդ քայլին չի գնալու:

Նա հավելել է, որ ադրբեջանական և իրանական գազի առաքումները, ինչի մասին խոսում է թուրքական կողմը, դա հինգ տարվա հարց է՝ Էրդողանի սպառնալիքները զեղչեր ստանալու համար պայքար է:
ՀԱՊԿ և ԵԱՀԿ գլխավոր քարտուղարները քննարկել են ղարաբաղյան հակամարտությունը
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար