28.03.2024
Փորձագետ. Ադրբեջանը սերտացնում է կապերը ՀԱՊԿ-ի ու ԵԱՏՄ-ի հետ, իսկ ՀՀ-ն՝ գնում դեպի ՆԱՏՕ
prev Նախորդ նորություն

Նորություններ գործընկերներից

Հարավկովկասյան երկաթուղին զգուշացնում է լաստանավի աշխատանքի դադարեցման մասին

Հարավկովկասյան երկաթուղի ընկերությունը զգուշացրել է, որ այս տարվա դեկտեմբերի 1-ից դադարեցվում է Կավկազ-Փոթի-Կավկազ լաստանավի կանոնավոր աշխատանքը։ Դա ժամանակավոր է, նշում են ընկերությունից՝ միաժամանակ չհստակեցնելով, երբ այն կվերսկսի աշխատանքը։ Խոստանում են աշխատանքի վերականգնման մասին լրացուցիչ հայտնել։


Այս հայտարարությունն ուշագրավ է այն համատեքստում, որ 2019-ի հունվարից Հայաստան բեռնատարներով հացահատիկ չի գա։ Նախատեսվում էր, որ բեռները Ռուսաստանից Վրաստան կհասնեն ծովային ճանապարհով։


Հիշեցնենք, որ Վրաստանի Ֆինանսների նախարար Իվանե Մաճավարիանիի որոշմամբ, ավտոտրանսպորտային միջոցներով ցորենի և ալյուրի ներմուծում-արտահանում հնարավոր կլինի իրականացնել մինչև այս տարվա վերջ։ Ավելի վաղ վերջնաժամկետ սահմանվել էր հոկտեմբերի 1-ը, դրանից առաջ՝ սեպտեմբերը։


Ստացվում է, հայկական կողմը հունվարից հացահատիկի բեռներ չի կարողանա ստանալ ոչ ցամաքային, ոչ էլ ծովային ճանապարհով։ Չնայած ՀԿԵ-ն հայտարարել է, մեծ բեռների դեպքում պատրաստ է համագործակցել։


Տրանսպորտի և կապի նախարարությունից հայտնեցին՝ թեմայի վերաբերյալ խոսել կարող է միայն փոխնախարարի պաշտոնակատար Արմեն Փամբուխչյանը, նա էլ կառավարությունում է։


Ի դեպ, երեկ Armdaily.am-ին տված հարցազրույցում Փամբուխչյանը նշել էր, որ հայկական կողմը քննարկում է լաստանավ ձեռք բերելու հնարավորությունը։


Հիշեցնենք, որ Կավկազ-Փոթի հաղորդակցությունում լաստանավային փոխադրումները 2017-ից փետրվարի 10-ից իրականացվում են կանոնավոր կերպով՝ համաձայն չվացուցակի: Հարավկովկասյան երկաթուղով (ՀԿԵ) նվազեցված սակագներով փոխադրված հայկական առաջին բեռները Երևան են բերվել 2017-ի մարտին։ «Հարավկովկասյան երկաթուղի» փակ բաժնետիրական ընկերությունը «Ռուսական երկաթուղիներ» բաց բաժնետիրական ընկերության դուստր ընկերությունն է և իրականացնում է Հայաստանի երկաթուղային համակարգի կոնցեսիոն կառավարումը։

«Շերեմետևո»-ում ՀՀ քաղաքացուն հարվածած ինքնաթիռի օդաչուները հարցաքննվել են որպես վկաներ
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար