Հայաստանը ուշադիր հետևում է Իրանի շուրջ զարգացումներին. ԱԳՆ

Հայաստանը ուշադրությամբ հետևում է Իրանի շուրջ պատժամիջոցների կիրառմամբ ստեղծված զարգացումներին և արվում են համապատասխան գնահատականներ, դրանց հիման վրա ձեռնարկվելու են համապատասխան քայլեր։ Այս մասին ճեպազրույցում այսօր հայտարարել է ՀՀ ԱԳՆ խոսնակ Աննա Նաղդալյանը:

«Ես ուղղակի այս փուլում կարող եմ ընդգծել, որ մենք բաց երկխոսություն ենք վարում գործընթացում ներառված բոլոր կողմերի հետ՝ հստակորեն ներկայացնելու մեզ հուզող բոլոր հարցերը և բացատրելու մեր գործողությունների տրամաբանությունը։ Այս պահի դրությամբ միայն այդքանը կարող եմ ասել։ Երբ արդեն կտրվի համապարփակ գնահատական այդ իրադրությանը, մենք արդեն հնարավորություն կունենանք ավելի մանրամասն ներկայացնելու մեր հետագա քայլերը»,- ասել է նա։