29.03.2024
ԱՄՆ-ը ռազմական օդանավակայան կկառուցի Վրաստանում
prev Նախորդ նորություն

Նորություններ գործընկերներից

ՌԴ հետ 100 մլն դոլարի ռազմական վարկի պայմանագիրն արդեն կնքված է. Տոնոյան

Ռուսաստանի հետ 100 մլն դոլարի ռազմական վարկի պայմանագիրն արդեն կնքված է: Այս մասին նոյեմբերի 12-ին ՀՀ պաշտպանության նախարարության վարչական համալիրում տեղի ունեցած մամուլի ասուլիսի ընթացքում հայտնեց ՀՀ պաշտպանության նախարարի պաշտոնակատար Դավիթ Տոնոյանը:


«Դեռևս չենք ավարտել մեր բանակցությունները մատակարարումների հարցով: Պայմանագիրըկնքված է: Մատակարարման հետ կապված կան որոշ բանակցություններ, որոնք հիմա ընթանում են»,- ասաց Տոնոյանը: Նախարարի պաշտոնակատարը նշեց, որ մատակարարվեիք սպառազինությունը մասամբ է արտադրված:


Նա նաև հավելեց, ՀՀ պաշտպանության նախարարությունը ուսումնասիրում է ռազմական նոր վարկ վերցնելու հնարավորությունը: Լրագրողի հարցին՝ արդյոք Հայաստանը մտադի՞ր է նոր վարկ վերցնել, Տոնոյանն ասաց. «Այո, ուսումնասիրվում է այդ հնարավորությունը»:


Պաշտպանության նախարարի պաշտոնակատարը նաև պատասխանեց այն հարցին, թե արդյոք Ռուսաստանից է լինելու այն: «Ոչ միայն, ոչ միայն ֆինանսական կառույցներից»,- ասաց Տոնոյանը:


Պաշտպանության նախարարությունը հաջորդ տարվա բյուջեով 45 մլրդ դրամ է նախատեսել եղած և հնարավոր վարկերի մարմանը տրամադրելու համար:


 

Թուրքիան հույս ունի, որ 2019-ին Ռուսաստանի հետ վիզային ռեժիմն ամբողջովին չեղարկված կլինի
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար