29.03.2024
Մեզ վստահեցրել են, որ ՀՀ-ում ԱՄՆ լաբորատորիաների գործունեությունը խաղաղ բնույթ կկրի. ԱԳՆ
prev Նախորդ նորություն

Նորություններ գործընկերներից

ՀՀԿ-ն «վերջին մարտն» է տալու գալիք ԱԺ ընտրություններում

ՀՀԿ ցուցակն առաջիկա արտահերթ խորհրդարանական ընտրություններին կգլխավորի Վիգեն Սարգսյանը:


«Ես այլ անուններ չեմ նշի, մեր ցուցակը կհրապարակվի նոյեմբերի 14-ին։ Սերժ Սարգսյանը չի մասնակցի քարոզարշավին, ընտրություններին։ Նախկին վարչապետ Կարեն Կարապետյանը ևս չի լինելու ցուցակում», - ասել է նա լրագրողներին։


ՀՀԿ ցանկանում է դուրս չմնալ ապագա ներքաղաքական զարգացումներից: ԱԺ արտահերթ ընտրություններին չմասնակցելը կմարգինալացներ կուսակցությունն ու այն կմղեր քաղաքական լուսանցք` դարձնելով արտախորհրդարանական քաղաքական ուժ, որը զրկված կլիներ ՀՀ-ում քաղաքական իրադարձությունների վրա որևէ ազդեցությունից մոտակա 5 տարիների ընթացքում:


ՀՀԿ-ն, կարծես, փորձում է գնալ վա-բանկ` ֆիլտրվում է ՀՀԿ-ի ցուցակը, որը գլխավորելու է  Վիգեն Սարգսյանը, իսկ Սերժ Սարգսյանը, ով հասարակության շրջանում ունի ցածր վարկանիշ ու նրա անունը բացասական վերաբերմունքի է արժանանում ՀՀ քաղաքացիների լայն շրջանակների մոտ, տեղը զիջում է նոր թիմին, ովքեր փորձելու են պայքար մղել ԱԺ-ում տեղ զբաղեցնելու համար:


Վիգեն Սարգսյանը նաև ընտրվել է ՀՀԿ առաջին փոխնախագահի պաշտոնում, կուսակցությունում նրա դիրքերն ամրապնդվում են ու նա փորձելու է նոր թիմով, ովքեր հավանաբար լինելու են քաղաքական դեմքեր և ոչ քրեաօլիգարխիայի ներկայացուցիչներ, նորովի ներկայանալ հասարակությանն ու զբաղեցնել թիվ մեկ ընդդիմադիր ուժի դիրքը քաղաքական սպեկտրում:


Շուտով կհրապարակվի ՀՀԿ նախընտրական ցուցակը: Սա այն թիմն է, որը պետք է տա, այսպես ասած, «վերջին մարտը» և փորձի ապացուցել թե՛ կուսակցության շարքային անդամներին, թե՛ քաղաքական մյուս մրցակից ուժերին, որ ՀՀԿ-ն ամբողջությամբ չի կազմաքանդվել ու դեռ ունի ներուժ մասնակցելու գործընթացներին, իսկ ԱԺ ընտրություններն խորհրդարանական կառավարմամբ երկրում թիվ մեկ քաղաքական իրադարձությունն են ու ստուգատեսը:


Վիգեն Սարգսյանն իր վրա բարդ պարտականություն է վերցրել. ՀՀԿ-ն այժմ ունի գրեթե զրոյական վարկանիշ, այդ կուսակցությունը համարվում է նախկին բոլոր սոցիալ-տնտեսական դժվարությունների, Հայաստանի այսօրվա վիճակի թիվ մեկ պատասխանատուն և քրեաօլիգարխայի թիմ:


12 օր տևող նախընտրական քարոզարշավի ընթացքում բարդ է լինելու հասարակությանն այլ բան ապացուցել: Հավանաբար ՀՀԿ-ն փորձելու է օգտագործել տեղերում առկա որոշակի վարչական, ֆինանսական և այլ ռեսուրսներն ու առանձին անհատների ազդեցությունը` ձայներ ստանալու համար:


Պաշտպանության նախկին նախարար Վիգեն Սարգսյանն ունի բավականին որակյալ բեքգրաունդ` լավ կրթություն, երկար տարիների պետական աշխատանքի փորձ, այդ թվում պաշտպանության նախարարի պաշտոնում ու նրա անվան հետ չեն կապվում սկանդալային կոռուպցիոն գործեր ու քրեական հանցագործություններ:


Նա քաղաքական դեմք է, տեխնոկրատ ու հնարավոր է ՀՀԿ նորացված թիմով կարողանա տեղ գտնել ԱԺ-ում ավելի փոքր կազմով, որը, սակայն, հասարակության մոտ չի ասոցացվի նախկին ՀՀԿ-ի հետ:


 

ԱԺ մշտական հանձնաժողովը դրական եզրակացություն տվեց 2019թ. պետական բյուջեի նախագծին
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար