Բոլթոն․ Ռուսաստանը մտադիր է զարգացնել միջին հեռահարության հրթիռները

256

Մենք եկել ենք այն եզրակացության, որ Ռուսաստանը մտադիր է զարգացնել միջին հեռահարության հրթիռները։ Այս մասին «Էխո Մոսկվի»-ին տված հարցազրույցում հայտարարել է ԱՄՆ նախագահի ազգային անվտանգության հարցերով խորհրդական Ջոն Բոլթոնը՝ մեկնաբանելով ՓՄՀՀՈ պայմանագրից դուրս գալու մասին Դոնալդ Թրամփի հայտարարությունը։

Նրա խոսքով, հաշվի առնելով Ռուսաստանի այդ դիրքորոշումը՝ սա պայմանագրի խախտումները սահմանափակելու ուղիներից մեկն է։


«Քանի որ Ռուսաստանն ասում է, թե ինքը չի խախտում Պայմանագիրը, ապա պետք է հստակեցնել՝ դա այդպե՞ս է, թե՞ ոչ։ Սպառազինության կրճատման հետ կապված հարցերի ավելի լայն շրջանակ կա։ Կան մի շարք երկրներ, որոնք միջին հեռահարության եւ թեւավոր հրթիռներ են արտադրում։ Դրանցից են Հյուսիսային Կորեան, Չինաստանը, իհարկե։ Եւ ստացվում է շատ անսովոր իրավիճակ ԱՄՆ-ի եւ Ռուսաստանի համար՝ Պայմանագիրն արդեն երկկողմ չէ, այլ համընդգրկուն է, ինչպես ասում էին Խորհրդային Միությունում։ Հիմա Ռուսաստանն այդ գործընթացի խաղացողներից մեկն է, որի պատճառով ԱՄՆ-ը կարծում է, որ միայն երկու երկրով չեն կարող ամբողջովին լուծել այս հարցը։ Եւ Օբամայի ծրագիրն այն է, որ Պայմանագրի ռուսական խախտումները վերանայման ենթակա գործընթացի մի մասն են»,- ասել է Բոլթոնը՝ տեղեկացնելով, որ իրենց հաջորդ քայլը լինելու է «Եվրոպայում ու Ասիայում բարեկամների հետ» խորհրդակցությունները։

Տպել

Թեմայի այլ նորություններ