ՀՀ քաղաքացիները լավատես են երկրի ապագայի և Նիկոլ Փաշինյանի կառավարության նկատմամբ. IRI

149

Հայաստանի քաղաքացիները մեծ լավատեսություն են ցուցաբերում երկրի ապագայի և վարչապետ Նիկոլ Փաշինյանի կառավարության նկատմամբ: Այս են վկայում International Republican Institute’s (IRI) Center for Insights in Survey Research իրականացրած հարցման արդյունքները:

Համաձայն դրա, հարցվածների 82 տոկոսը նոր կառավարությանը դիտարկում է «շատ դրական»: 63 տոկոսը ցանկանում է ավելի արագ քաղաքական բարեփոխումներ տեսնել, իսկ 34 տոկոսը, հակառակը, նախընտրում է աստիճանաբար բարեփոխումներ:

Հարցվածների գերակշիռ մեծամասնությունը կարծում է, որ Հայաստանն ընթանում է ճիշտ ուղղությամբ (73 տոկոս), 81 տոկոսը կարծում է, որ ապագան «անպայման ավելի լավն է», 44 տոկոսը «հույս ունեն, որ ապագան մի փոքր ավելի լավ կլինի»:

Հարցումը նաեւ արտացոլում է կառավարության հակակոռուպցիոն ջանքերի նկատմամբ հարցվածների դրական մոտեցումները: Հարցվածների 80 տոկոսը կարծում է, որ երկրում կոռուպցիայի խնդիրը բարելավվել է, 15 տոկոսը կարծում են, որ խնդիրը մնացել է նույնը, և 2 տոկոսը կարծում են, որ իրավիճակը վատացել է:

«Այս հարցումը ցույց է տալիս, որ ստեղծվել է աննախադեպ հնարավորություն` առաջնորդվելով անհրաժեշտ բարեփոխումներով էլ ավելի ամրապնդել ժողովրդավարությունը Հայաստանում», - հայտարարել է Եվրասիայում IRI տարածաշրջանային տնօրեն Ստեֆեն Նիքսը: Ըստ նրա, եթե կառավարությունը ճիշտ ժամանակը չօգտագործի, ապա նա կանգնում է հանրային այս լավատեսությունը և դրական փոփոխություններ իրականացնելու ռիսկի առջև:


 

Տպել

Թեմայի այլ նորություններ