28.03.2024
Արաբական Միացյալ Էմիրություններից ՀՀ են ցանկացել տեղափոխել 153 կարատ ադամանդե քարեր. ՊԵԿ
prev Նախորդ նորություն

Նորություններ գործընկերներից

Ներդրումները 11 անգամ նվազել են, վարկերը՝ աճել. Բագրատյանն «ընդհատում է» Փաշինյանի թռիչքը

Հայաստանի նախկին վարչապետ, տնտեսագետ Հրանտ Բագրատյանը սխալ է համարում վարչապետ Նիկոլ Փաշինյանի՝ ֆինանսական հատվածում տվյալների ներկայացման հիման վրա արված «թափ ենք հավաքում տնտեսական թռիչքի համար» պնդումը:


Նիկոլ Փաշինյանը Ֆեյսբուքի իր էջում այսպիսի գրառում է արել. «Թափ ենք հավաքում տնտեսական թռիչքի համար։ Հեղափոխությունից ի վեր, այսինքն՝ մայիսից մինչ օրս բանկային համակարգի ակտիվներն աճել են 10.5 տոկոսով, վարկերը աճել են 7.0 տոկոսով, ֆիզիկական անձանց վարկերն աճել են 10.4 տոկոսով, իրավաբանական անձանց վարկերն աճել են 4.3 տոկոսով: Ավանդները աճել են 9.2 տոկոսով»:


Այստեղ սխալ է ամեն ինչ, պնդում է Բագրատյանն ու հավելում. «Նախ, նման բաներ ասում էր հաճախ նաև Սերժ Սարգսյանը։ Մի քանի անգամ հակադարձեցինք՝ էլ չկրկնեց»։


«Երկրորդ։ Պարտավոր էր նշել մայիս-սեպտեմբերը համեմատել է նախորդ տարվա մայիս-սեպտեմբերին, նախորդ դեկտեմբեր-ապրիլին թե լոկ ապրիլի հետ։ Չ՞է որ սեզոնային գործոն կա։ Դա սխալ համեմատություն է», - գրում է իր Facebook-ի էջում նախկին վարչապետ Բագրատյանը::


«Երրորդ։ Սկսենք ավանդներից։ Հաշվարկի 3 ձև կա՝ դրամով, դոլարով և/կամ եվրոյով։ Դրամով։ Ճիշտ մեթոդաբանությունն է՝ ընթացիկ ժամանակաշրջանում նախորդ շրջանի համեմատ՝ ավանդները բազմապատկած տվյալ արժույթով ավանդի տոկոս բազմապատկած տնտեսական աճի տոկոս։ Այսպիսով՝ որպեսզի ՀՀ-ում ավանդները հարաբերականորեն չպակասեին նրանք պետք է աճած լինեին 9.5+7.7=17.2%։ Այստեղ չնչին անճշտություն կա՝ 7.7-ը ութամսյա տնտեսական աճն է (9-ամսվա տնտեսական աճը հրապարակված չէ)։ Նույնը հաշվում ենք դոլարով և/կամ եվրոյով։


Մյուսը, ակտիվները աճել են 7%-ով։ Պիտի լիներ՝ 17.2% + բանկային սպրեդի% (վարկի տոկոսի և ավանդի տոկոսի տարբերություն)։ Այսինքն՝ մոտ 20%», - նշում է նա։


«Չորրորդ, վարչապետի իրավասության մեջ ԿԲ-ն չի մտնում։ Ուրեմն թող ինքն էլ այդ թվերը հայտարարի։ ԿԲ-ից էլ թիվ պետք չէ վերցնել՝ դրանք միշտ ստում են։


Հինգերորդ։ Վարչապետին պետք է մտահոգի տնտեսության վիճակը։ 2-րդ եռամսյակում 1-ինի համեմատ ներդրումները պակասել են 11 անգամ։ Աաջինն էլ մի բան չէր։ Հիմա, ներդրումների իսպառ բացակայության պայմաններում աճում է պահանջարկը վարկի նկատմամբ։ Իսկ այստեղ ոչ մի լավ բան չկա», - եզրակացնում է Բագրատյանը։

Շրջելու եմ հեծանիվով, երթուղայիններով, ավտոբուսներով եւ մետրոյով. Հայկ Մարության
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար