ԲՀԿ-ն կապ չունի Սարգսյանի, Քոչարյանի ու Տեր-Պետրոսյանի հետ. Ծառուկյան (տեսանյութ)

Սերժ Սարգսյանը, Ռոբերտ Քոչարյանը, Լևոն Տեր-Պետրոսյանը կապ չունեն «Բարգավաճ Հայաստանի» հետ: Այս մասին «Ուրվագիծ» հաղորդման եթերում հայտարարել է կուսակցության առաջնորդ Գագիկ Ծառուկյանը։

Նրա խոսքով, նրանք չեն կարող իր ղեկավարած կուսակցության միջոցով գալ քաղաքականություն.

«Եթե այդպիսի բան լինի՝ ես անբարոյական ընտանիքի զավակ եմ: Էս ժողովուրդը մեղք է, հերիք է խաբեք, ֆռցնեք: Ես տեսնում եմ իմ ժողովորդի ձգտումը, լավ ապրել են ուզում: Քաղաքապետի ընտրությունը սարքեցին շոու: Թաղապետերը, օլիգարխները ո՞ւմ աջակցեցին: Նիկոլ Փաշինյանը, որ Գյումրիից եկավ առաջին հանդիպմանը 800 հոգի մարդ կար հետը, հետո ո՞նց եղավ էդքան ավելացնել։ Ես ավտոյով ջրեր եմ ուղարկել, կարո՞ղ է ասեն, որ չեմ ուղարկեմ: Նիկոլ Փաշինյանին, Սասուն Միքայելյանին, Արարատ Միրզոյանին որ ձերբակալեցին, ո՞վ էր նրանց կողքին: Ես կանգնել եմ Նիկոլ Փաշինյանի կողքին»,- ասել է նա։

Ծառուկյանն անդրադարձել է նաև այն հանգամանքին, որ հեղափոխության օրերին ՀՀ նախկին նախագահ Սերժ Սարգսյանի հետ ծանր խոսակցություն է ունեցել.

«Ես Սերժ Սարգսյանի հետ շատ սուր խոսակցություն եմ ունեցել: Իմ հայտարարությունից հետո նա անմիջապես զանգել է ինձ, ես ասել եմ՝ եթե քո գործընկերը լինեի, քո կողքին կլինեի: Ես ընդդիմադիր եմ, իմ ընդդիմադիր գործընկերների հետ եմ։ Երբ Սերժ Սարգսյանը մեր հայտարարությունից հետո հրաժարական տվեց, այդ ժամանակ սառույցը կոտրվեց, հազարավոր մարդիկ դուրս եկան: Խորհրդարանում 1/3-ը մենք ապահովեցինք Նիկոլ Փաշինյանի ընտրվելիս», - հիշեցրել է Գագիկ Ծառուկյանը։

Նա նշել է, որ կուսակցությունը մասնակցելու է արտահերթ խորհրդարանական ընտրություններին: ԲՀԿ առաջնորդի խոսքով` համագործակցելու են այն խորհրդարանական և արտախորհրդարանական ուժերի հետ, որոնք չեն հանդիպել ո’չ Սերժ Սարգսյանի, ո’չ Ռոբերտ Քոչարյանի հետ.

«Ում ձայն կտան` նա էլ կտնտրվի; Ես ո՞նց համագործակցեմ ՀՀԿ-ակաների հետ: Բոլորը տեսան, թե 2015 թվականին ինչ արեցին, 2015-ին ո՞վ կարող էր իմ տեղը դիմանալ», - ընդգծել է նա:

Ծառուկյանի խոսքով` իրենք արտահերթ ընտրությունների անցկացման ժամկետների հետ որևէ առարկություն չունեն.

«Ժողովուրդն ուզում է դեկտեմբերին, ուրեմն՝ մենք էլ ենք ուզում: Մենք չենք ասում արտահերթ չենք ուզում, մենք մեր պետության ու ժողովրդի կողքին ենք: Վարչապետն ասել է պետք է գանք քննարկենք, մենք պատրաստ ենք: Մենք ասում ենք՝ կառավարության կետերը կատարենք, անցնենք ընտրության: Հիմնական խնդիրը հրատապ լինելու այն է, որ ոնց քաղաքապետի ընտրությունը վերափոխեցին հեղափոխության, հիմա նույնն ուզում են առանց օրենք փոխելու, անեն ընտրություն, որովհետև ժամանական անցնում է, ասածներն իրականություն չի դառնաում, ինչին ժողովուրդը սպասում է: Մենք էլի ենք պատրաստ, մենք չենք ուզում խանգարել: Ժողովրդի կողքին ենք», - շեշտել է Ծառուկյանը։