Գագիկ Ծառուկյանը երեկոյան հանդիպում կունենա ԲՀԿ քաղաքական թիմի անդամների հետ. խոսնակ

Ի պատասխան մամուլում տեղ գտած այն տեղեկության, թե իբր Գագիկ Ծառուկյանը Հայաստանում է գտնվում, սակայն դիրքորոշում չի հայտնել տեղի ունեցող վերջին քաղաքական իրադարձությունների վերաբերյալ, պաշտոնապես ևս մեկ անգամ նշում եմ, որ դա բացարձակ ապատեղեկատվություն է: Այս մասին ասված է Ծառուկյանի խոսնակ Իվետա Տոնոյանի հայտարարության մեջ:

«Գագիկ Ծառուկյանն արդեն մեկ շաբաթ է մասնավոր այցով գտնվում է արտերկրում և վերադառնում է միայն այսօր: Գագիկ Ծառուկյանն արդեն իսկ այսօր երեկոյան հանդիպում է նշանակել ԲՀԿ քաղաքական թիմի անդամների հետ՝ տեղեկանալու վերջին քվեարկության և դրան հաջորդած իրադարձությունների մասին»:

Նշենք, որ համաձայն մամուլի՝ «ԲՀԿ-ականները հայտարարում են, որ իրենց կուսակցության նախագահ Գագիկ Ծառուկյանը միայն այսօր կվերադառնա Հայաստան, չնայած ըստ այլ աղբյուրների՝ Ծառուկյանը Հայաստանում է, սակայն զգուշանում է հայտնվել հանրությանը: ԲՀԿ-ում արդեն քննարկումներ են սկսվել ապագա խորհրդարանական ընտրություններին մասնակցելու վերաբերյալ: ԲՀԿ-ականների մի մասը, հասկանալով, որ իրենք խորհրդարանում հայտնվելու ոչ մի շանս չունեն, պնդում է, որ ԲՀԿ-ն չպետք է մասնակցի ընտրություններին, մյուսները համարում են, որ նույնիսկ այս վիճակում ԲՀԿ-ն կարող է զբաղեցնել խորհրդարանական ընդդիմության տեղը»: