ՌԴ ԱԳՆ-ն ողջունում է Փաշինյանի և Ալիևի զրույցն ու ձեռք բերված պայմանավորվածությունները

ՀՀ վարչապետ Նիկոլ Փաշինյանի և Ադրբեջանի նախագահ Իլհամ Ալիևի միջև Դուշանբեում կայացած զրույցը կնպաստի ղարաբաղյան հակամարտության կարգավորմանը: Այս մասին Trend-ին հայտնել են ՌԴ ԱԳՆ-ից:

«Ռուսաստանը ողջունում է ցանկացած պայմանավորվածություն, որն ուղղված է ղարաբաղյան հակամարտության կարգավորմանը: Ակնկալում ենք, որ Դուշանբեում տեղի ունեցած զրույցը կնպաստի այդ խնդրի իրագործմանը», — նշել են ՌԴ արտաքին գերատեսչությունում:

Հիշեցնենք, Դուշանբեից վերադառնալուց հետո Նիկոլ Փաշինյանը հայտարարեց, որ Ադրբեջանի նախագահի հետ պայմանավորվել են, որ երկրների Պաշտպանության նախարարություններին հանձնարարություն կտան կոնկրետ քայլեր ձեռնարկել սահմանագծում եւ ընդհանրապես առկա լարումն իջեցնելու վերաբերյալ: