28.03.2024
Մեթիսը դժվարությամբ է համոզել Թրամփին, որ ՆԱՏՕ-ն անհրաժեշտ է
prev Նախորդ նորություն

Նորություններ գործընկերներից

ԱՄՆ-ը ավելի քան $1,5 տրլն է ծախսել Աֆղանստանում, Իրաքում և Սիրիայում պատերազմելու վրա

Աֆղանստանում, Իրաքում և Սիրիայում ԱՄՆ-ի ռազմական գործողությունները ամերիկացի հարկատուների վրա ընդհանուր առմամբ նստել են արդեն ավելի քան 1,5 տրլն դոլար, հայտնել է CNBC հեռուստաալիքը՝ հղում անելով Պենտագոնի հաշվարկներին:

«2001 թվականի սեպտեմբերի 11-ից հետո ընկած ժամանակաշրջանում ԱՄՆ-ի պաշտպանության նախարարությունը պատերազմների հետ կապված ծախսերը ծածկելու համար հատկացրել է 1,501 տրլն դոլար», - ասված է զեկույցում, որից մեջբերում է արել հեռուստաալիքը:

Հաշվետվության մեջ տեղեկատվությունը ներկայացված է ընթացիկ տարվա մարտի վերջի դրությամբ: Առավել շատ միջոցներ են ծախսվել Իրաքում իրականացված ռազմական գործողությունների վրա՝ մոտավորապես 731 մլրդ դոլար կամ ընդհանուր գումարի 49 տոկոսը:

Աֆղանստանում ծախսվել է 584,3 մլրդ դոլար: Ամենաքիչ միջոցները հատկացվել են Սիրիայում իրականացվող ռազմարշավին՝ մոտավորապես 23,5 մլրդ դոլար: Աֆղանստանի և Իրաքի պատերազմներով ընդհանուր առմամբ անցել են ավելի քան 2 մլն ամերիկացի զինվորներ ու սպաներ: Այդ ռազմարշավներում, նաև ԻՊ-ի դեմ պայքարում Պենտագոնի ընդհանուր անդառնալի կորուստները կազմել են շուրջ 6,8 հազար մարդ, ևս 52,3 հազար զինծառայողներ վերքեր են ստացել:

Թուրքական իշխանությունները կալանավորել են ավստրիացի լրագրողին
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար