Անդրանիկ Մանուկյանը հետ կանչվեց Ուկրաինայում ՀՀ դեսպանի պաշտոնից․ հրամանագիր է ստորագրվել

ՀՀ նախագահ Արմեն Սարգսյանը հրամանագիր է ստորագրել Անդրանիկ Մանուկյանին Ուկրաինայում Հայաստանի Հանրապետության արտակարգ և լիազոր դեսպանի պաշտոնից հետ կանչելու մասին։

«Հիմք ընդունելով վարչապետի առաջարկությունը` համաձայն Սահմանադրության 132-րդ հոդվածի 1-ին մասի 2-րդ կետի. Անդրանիկ ՄԱՆՈՒԿՅԱՆԻՆ հետ կանչել Ուկրաինայում Հայաստանի Հանրապետության արտակարգ և լիազոր դեսպանի պաշտոնից», - ասված է հրամանագրում:

Օգոստոսի 21-ին Ուկրաինայում ՀՀ դեսպան Անդրանիկ Մանուկյանը ֆեյսբուքյան իր էջի միջոցով տեղեկացրեց, որ որոշել է թողնել դիվանագիտական աշխատանքը եւ դիմել է ՀՀ իշխանություններին՝ իրեն հետ կանչելու նպատակով:

Գրառումից հետո սոցցանցերում ակտիվորեն սկսեցին քննարկել, որ Մանուկյանը ոչ թե իր կամքով է հրաժարական տալիս, այլ նրան հետ են կանչել: