ՀՔԾ-ն խուզարկություն է իրականացրել Ռոբերտ Քոչարյանի առանձնատանը

Հատուկ քննչական ծառայությունը (ՀՔԾ) «Մարտի 1»-ի գործով խուզարկություն է իրականացրել Հայաստանի երկրորդ նախագահ Ռոբերտ Քոչարյանի առանձնատանը և գրասենյակում։ Այդ մասին VERELQ-ին հայտնել են կառույցից: 

Այլ մանրամասներ ՀՔԾ-ն չի հաղորդում։

Հիշեցնենք, Ռոբերտ Քոչարյանը 2008 թվականի «մարտի 1-ի» քրեական գործով մեղադրվում է սահմանադրական կարգը տապալելու մեջ: Հուլիսի 27-ին Երևանի ընդհանուր իրավասության դատարանը նրա նկատմամբ խափանման միջոց էր ընտրել կալանավորումը:

Այսօր հայտնի դարձավ, որ ՀՀ գլխավոր դատախազությունը  օգոստոսի 20-ին բողոք է ներկայացնելու Վճռաբեկ դատարան` ՀՀ երկրորդ նախագահ Ռոբերտ Քոչարյանին կալանքից ազատ արձակելու ՀՀ վերաքննիչ դատարանի որոշման դեմ: