Emerging Markets. Թուրքիայի շուկան՝ ԱՄՆ պատժամիջոցների հարվածի տակ

111

Թուրքիայի ֆինանսական շուկայում լարվածությունն աճել է այն բանից հետո, երբ ԱՄՆ իշխանությունները պատժամիջոցներ են սահմանել Թուրքիայի կառավարության երկու անդամների՝ ներքին գործերի նախարար Սուլեյման Սոյլուի եւ արդարադատության նախարար Աբդուլհամիդ Գյուլի նկատմամբ, իսկ Թուրքիան հայտարարել է, որ այն անպատասխան չի թողի։ Թուրքիայի ԱԳՆ–ն վճռական բողոք է ներկայացրել հայտարարված պատժամիջոցների առումով՝ կոչ անելով ԱՄՆ–ին հրաժարվել այդ «սխալ որոշումից», հայտնում է Vesti–ն։

Ամերիկա–թուրքական լարվածությանը թուրքական լիրան արձագանքել է ամերիկյան դոլարի նկատմամբ հերթական անկման ալիքով՝ անցնելով 1 դոլարի դիմաց 5 լիրայի մակարդակը։ Ազգային արժույթի արժեզրկման հետ մեկտեղ իր դիրքերն է զիջում նաեւ թուրքական ֆոնդային բորսան դոլարային արտահայտությամբ։

Ներդրողները տարակուսում են, որ ԱՄՆ–ի հերթական թշնամական գործողությանը թուրքական պատասխանը շարժման մեջ կդնի Անկարայի եւ Թուրքիայի միջեւ կոնֆլիկտը նախկինում չտեսնված մասշտաբներով։ Գործը կասնի՞ արդյոք դիվանագիտական հարաբերությունների խզման, կթակի՞ արդյոք Թուրքիան դուռը՝ դուրս գալով ՆԱՏՕ–ից, դեռեւս դժվար է ասել։

Պետք է նշել սակայն, որ Թուրքիայի նախագահ Ռեջեփ Թայիփ Էրդողանը վերջերս հայտարարել է ԲՐԻԿՍ երկրներին միանալու ցանկության մասին, որը կարող է լուրջ աշխարհաքաղաքական շոկ դառնալ ԱՄՆ–ի համար, ինչպես նաեւ ստիպել ԵՄ–ին զղջալ Թուրքիային միություն չընդունելու համար։ Ակնհայտ է, որ ԱՄՆ ներկայիս կոշտ քաղաքականությունը եւ այդ ֆոնին նկատվող Emerging Markets երկրների միտումների ֆոնին ավելի քիչ կախյալ լինել դոլարային տնտեսական գոտուց ապագայում աշխարհաքաղաքական լուրջ փոփոխությունների կբերի։

Տպել

Թեմայի այլ նորություններ
Загрузка...