29.03.2024
Նաիրա Զոհրաբյանը՝ Երևանի քաղաքապետի թեկնածու
prev Նախորդ նորություն

Նորություններ գործընկերներից

Հայ-ռուսական հարաբերությունները պետք է զերծ պահել ներքաղաքական կոնյուկտուրայից

ՀՀ-ում տեղի ունեցող ներքաղաքական զարգացումներն ու նախկին պաշտոնյաների քրեական հետապնդումները հանգեցնում են Մոսկվայի սուր արձագանքներին: Ամենակարևորն այս գործընթացում հարվածի տակ չդնել հայ-ռուսական դաշնակցային հարաբերությունները` չպետք է տուրք տալ կոնյուկտուրային իրավիճակներին:


ՌԴ-ՀՀ ռազմավարական հարաբերություններն ու ռուսական ռազմաբազայի ու սահմանապահ զորքերի առկայությունը ՀՀ-ի գոյության, ՀՀ-ի քաղաքացիների ֆիզիկական անվտանգության կարևոր գործոններից են` էմոցիոնալ հայտարարությունները չպետք է ստվեր գցեն Երևան-Մոսկվա տանդեմում փոխհարաբերությունների որակի վրա:


ՌԴ-ն Լավրովի շուրթերով մեսիջ հնչեցրեց, որ ՀՀ-ում նախկին պաշտոնյաների հետապնդումը իրենց մտահոգում է. ՀԱՊԿ-ի գլխավոր քարտուղարի կալանավորման շուրջ գործընթացը ստվեր է գցում այդ կազմակերպության իմիջի, վարկանիշի վրա, իսկ Մոսկվայի արտաքին քաղաքականությունում ՀԱՊԿ-ն ունի կարևոր ռազմա-քաղաքական նշանակություն: Արդեն իսկ ԶԼՄ-ներով լուրեր են տարածվում, որ ռուսական կողմը կարող է դադարեցնել արդի զենքերի մատակարարումները ՀՀ-ին:


Պատերազմական պայմաններում գտնվող ու ղարաբաղյան չկարգավորված հարց ունեցող Երևանի համար զենքերի մատակարարման դադարեցումը կամ անգամ ուշացումը կարող է ճակատագրական լինել` Ադրբեջանը սպասում է հայ-ռուսական ռազմատեխնիկական հարաբերությունների խզմանը, որպես լավագույն նվեր Արցախի դեմ պատերազմ սկսելու համար:


Պետք է սթափ գնահատել ՌԴ-ի մեսիջները, դա ներքին քաղաքականություն միջամտություն չէ` Մոսկվան մտահոգված է, որ ՀՀ-ն կարող է 180 աստիճանով շրջվել դեպի Արևմուտք չնայած նոր իշխանությունների հավաստիացումներին, իսկ ներքաղաքական լարվածությունը կարող է հանգեցնել Ղարաբաղում նոր պատերազմի մեկնարկին, ինչը չի տեղավորվում Մոսկվայի ռազմավարության ու շահերի մեջ:


ՌԴ-ի համար ձեռնտու չէ Հարավային Կովկասում ռազմական լայնածավալ գործողությունները, ինչից կարող են օգտվել Թուրքիան` աջակցելով Բաքվին ու ամրապնդվելով Հարավային Կովկասում արդեն ռազմաբազաների տեսքով, ինչպես նաև ԱՄՆ-ն` փորձելով ազդել հայկական նոր իշխանությունների վրա և հասնել ՌԴ-ի ազդեցության գոտուց ՀՀ-ին դուրս բերելուն:


ՀՀ-ն ու ՌԴ-ն ունեն միմյանց կարիքը, սակայն պաշտոնական Երևանը չի կարող հաշվի չնստել գերտերության կարծիքի հետ` գնալ ուղիղ դիվանագիտական առճակատման Մոսկվայի հետ նշանակում է վտանգի տակ դնել Արցախն ու այնտեղի հայությանը, սահմանում կանգնած զինվորների անվտանգությունը:

Բաքվի ղեկավարությունն ուշադիր հետևում է հայ-ռուսական հարաբերություններում նկատվող վերջին որոշակի տարաձայնություններին: Նրանք կարող է գերագնահատեն Մոսկվա-Երևան հարաբերություններում առկա որոշակի անհամաձայնությունն ու դա ընկալեն, որպես ռուսական կողմի կանաչ լույս` Ղարաբաղի դեմ պատերազմ սկսելու համար:


Ռուսական ու հայկական կողմերը պետք է օպերատիվ կերպով հարթեն բոլոր տարաձայնությունները թե՛ հասարակություններին, թե՛ հարևան Թուրքիային ու Ադրբեջանին հստակ մեսիջ հղելով, որ ռազմավարական, դաշնակցային հարաբերությունները շարունակվում են, ՌԴ-ն ՀՀ-ի ազգային անվտանգության երաշխավորներից է, իսկ ՀՀ-ի ներքաղաքական զարգացումները չպետք է ստվեր նետեն դարավոր այդ կապերի վրա: Երևանն էլ ապագայում պետք է հաշվի նստի Մոսկվայի դիրքորոշումների հետ, հատկապես ՀԱՊԿ-ի հարցում, քանի որ ռուսական կողմին անտեսելը շատ ցավոտ է ընկալվում ՌԴ-ի ղեկավարության կողմից:

N զորամասում հայտնաբերվել են զինվորական անորակ վարտիքներ, կհարուցվի քրեական գործ
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար