Վրաստանի դիրքորոշումը փակուղային է. փորձագետը` ռուս-վրացական հարաբերությունների մասին.

Վրաստանի այսօրվա դիրքոշումը նրան տարել է դեպի փակուղի ու իրավիճակի փոփոխություն չի կանխատեսվում: Այդ մասին հայտարարել է Ռուս և վրացի ժողովուրդների միասնականության հիմնադրամի ղեկավար Վլադիմիր Խոմերիկին:

Նա նշել է, որ Թբիլիսին պատրաստ չէ երկխոսություն սկսել Աբխազիայի ու Հարավային Օսիայի հետ`դա Վրաստանի ամենամեծ սխալն է: Ըստ նրա, Թբիլիսին նրանց չի ճանաչում, որպես սուբյեկտ, սակայն չի ցանկանում խոսել նաև ՌԴ-ի հետ: Նրա խոսքով, վրացական իշխանությունների այդպիսի դիրքորոշումը տարել է նրանց փակուղի: