Արտակ Դավթյանն ու Զաքիր Հասանովը կայցելեն Մոսկվա

Հայաստանի Զինված ուժերի գլխավոր շտաբի պետ, գեներալ-մայոր Արտակ Դավթյանը հուլիսի 27-ին կայցելի Մոսկվա։

Այս մասին VERELQ-ի հետ զրույցում հայտնեց պաշտպանության նախարարի մամուլի խոսնակ Արծրուն Հովհաննիսյանը։

Այցը տեղի կունենա ՌԴ պաշտպանության նախարար Սերգեյ Շոյգուի հրավերով։ Այցի շրջանականերում Դավթյանը կմասնակցի «Միջազգային ռազմական խաղեր - 2018»-ի մրցույթի բացման պաշտոնական արարողությանը։

Ավելի վաղ հայտնել էինք, որ նույն միջոցառմանը մասնակցելու է նաեւ Ադրբեջանի պաշտպանության նախարար Զաքիր Հասանովը։

ՀՀ պաշտպանության նախարար Դավիթ Տոնոյանն այդ միջոցառմանը չի մասնակցելու, քանի որ «Միջազգային ռազմական խաղեր - 2018»-ի մրցույթի մի մասը ՀՀ-ում է լինելու եւ նա մասնակցելու է այդ միջոցառմանը բացմանը։