Հայացք Բաքվից. Մինգեչաուրի ՀԷԿ պաշտպանված է ՀՕՊ համակարգերով

Հայ գեներալների հայտարարությունները Մինգեչաուրի ՀԷԿ-ին հարված հասցնելու հետ կապված կրում են պոպուլիստական բնույթ: Այդ մասին հայտարարել է ռազմական փորձագետ Ուզեիր Ջաֆարովը:

Նրա խոսքով, Ադրբեջանի ՀՕՊ-ը հզորներից է Կովկասում: Ըստ Ուզեիր Ջաֆարովի, անգամ եթե հրթիռ արձակվի ՀԷԿ-ի ուղղությամբ, ապա այն կոչնչացվի մի քանի րոպե անց:

Նա նշել է, որ անգամ ԽՍՀՄ տարիներին ՀԷԿ-ը պաշտպանված են ՀՕՊ և ռազմաօդային ուժերի կողմից: Ադրբեջանի անկախությունից հետո այդ ռազմավարական օբյեկտի հարևանությամբ տեղադրվել են էլ ավելի արդի ՀՕՊ համակարգեր:

Ավելի վաղ Արցախի պաշտպանության նախարար Լեւոն Մնացականյանը, անդրադառնալով Մինգեչաուրի ջրամբարը ռմբակոծելու հնարավորության մասին հարցին, պատասխանել էր. «Հնարավորություն ունենք կաթվածահարելու Ադրբեջանի տնտեսությունը, սակայն դրա առիթն առայժմ չեմ տեսնում»:

«Ռազմական արվեստը պահանջում է հարվածներ հասցնել նման և ռազմական օբյեկտներին: Դա կվնասի տնտեսությանը և կբացառի համապատասխան ռեսուրսներով հակառակորդի ԶՈւ ապահովման հնարավորությունը: Այդ օբյեկտ ընդգրկված է մեր պլաններում», - ասել է Մնացականյանը: