Մինգեչաուրը թիրախում․ կարող ենք կաթվածահար անել Ադրբեջանի տնտեսությունը․ Մնացականյան

Արցախի պաշտպանության նախարար Լեւոն Մնացականյանը հայտարարել է, որ Իսրայելից Ադրբեջանի ձեռ բերված զենքերը օպերատիվ մարտավարական հրթիռներ են, որոնց հեռահարությունը 300 կմ է:

Այօսր Ստեփանակերտում տեղի ունեցախծ ասուլիսի ժամանակ նա հայտարարեց, որ դրանք 300 կմ հեռահարության օպերատիվ մարտավարական հրթիռներ են, որոնց նմանատիպները նաեւ «մենք էլ ունենք, նաեւ խոցելու հնարավորություն ունենք»:

Ինչ վերաբերում է Ադրբեջանի կողմից սպառազինության՝ բելառուսական «Պոլոնեզ», չեխական «Դանա» և իսրայելյան LORA զինատեսակների գնմանը, ապա, ըստ Մնացականյանի, հայկական կողմը կարող է համարժեք պատասխանել:

«Նմանատիպ զենք կա մեր Զինված ուժերում: Խոցման հնարավորությունները նույնն են, ինչ Ադրբեջանի պարագայում: Մենք ոչ միայն նույն հնարավորություններն, այլ նաև ավելի դիպուկ կրակի հնարավորություն ունենք»,-ասել է ՊԲ հրամանատարը:

Անդրադառնալով Մինգեչաուրի ջրամբարը ռմբակոծելու հնարավորության մասին հարցին, նախարարը պատասխանեց. «Հնարավորություն ունենք կաթվածահարելու Ադրբեջանի տնտեսությունը, սակայն դրա առիթն առայժմ չեմ տեսնում»:

«Ռազմական արվեստը պահանջում է հարվածներ հասցնել նման և ռազմական օբյեկտներին: Դա կվնասի տնտեսությանը և կբացառի համապատասխան ռեսուրսներով հակառակորդի ԶՈւ ապահովման հնարավորությունը: Այդ օբյեկտ ընդգրկված է մեր պլաններում», - ասել է Մնացականյանը:

Անդրադառնալով Լելե Թեփե բարձունքը հետ բերելու հնարավորությանը՝ նա ասաց, թե Լելե Թեփեին մեծ նշանակություն են տալիս, և որ նրա գագաթին մի մեքենա էլ չի կարող կանգնել:  «Մենք էլ այդ բարձունքին հավասար բարձունքներ ունենք հենց Լելե թեփեի դիմաց», - ասաց նախարարը:

Խոսելով սահմանագծում ադրբեջանական զինուժի կուտակումների մասին՝ Լևոն Մնացականյանը նշեց, որ հիմա այդ ուժերը, հիմնականում, հետ են քաշված:

«Մեր եզրակացությունն այն է, որ հնարավոր է ցանկացած սադրանք: Ցանկացած փոքր միջադեպ կարող է վերածվել լայնամասշտաբ գործողությունների, բայց մենք բոլոր զարգացումներին պատրաստ ենք», - ընդգծեց Մնացականյանը:

Ամեն ինչ կախված է այն հանգամանքից, թե կլինի արդյոք այդպիսի անհրաժշետություն, առայժմ այդպիսի անհրաժշետություն չկա, հավելել է գեներալ-լեյտենանտը: