29.03.2024
«Տուբերկուլոզի դեմ պայքարի ազգային կենտրոն» ՊՈԱԿ-ում հայտնաբերվել են մի շարք չարաշահումներ
prev Նախորդ նորություն

Նորություններ գործընկերներից

Մեր տնտեսական քաղաքականության հենասյուներից է կոռուպցիայի դեմ պայքարն. Փաշինյան

ՀՀ կառավարության նպատակն է ստեղծել տնտեսական ներառական համակարգ: Այս մասին կառվարությունում տեղի ունեցած ասուլիսի ժամանակ հայտարարեց ՀՀ վարչապետ Նիկոլ Փաշինյանը՝ հավելելով, որ շատերին հայտնի չէ, թե կառավարությունը տնտեսական ինչ քաղաքականություն է վարում:


Նրա խոսքով, դիտարկում է արվում, թե այնքան էլ պարզ չէ, թե ինչ տնտեսական քաղաքականություն է վարում կառավարությունը: «Կարծում եմ, որ մենք մանրամասնորեն չենք բացատրել, մեր տնտեսական քաղաքականության առանցքային նպատակը տնտեսական ներառող համակարգ ստեղծելն է»,- ասաց Նիկոլ Փաշինյանը:


Այնուհետեւ նա նշեց, որ հեղափոխությունից առաջ երկրում առկա է եղել մի տնտեսական համակարգ, որտեղ կոնկրետ ոլորտներ հասանելիության սահմանափակ մակարդակ են ունեցել, ու սահմանափակ թվով մարդիկ են հնարավորություն ունեցել ներքին արդյունքի ձեւավորման մաս դառնալ:


«Այդ սահմանափակումները պետք է գոյություն չունենան, պետք է լինեն հասանելի: Ուզում եմ հստակ արձանագրել, որ մեր տնտեսական քաղաքականության հենասյուներն են կոռուպցիայի դեմ պայքարն ու անկախ դատական համակարգի ստեղծումը»,- ասաց նա:


Վարչապետի խոսքով՝ ներդրումային միջավայրի համար անհրաժեշտ է երկու պայման՝ կոռուպցիայի բացակայություն ու անկախ դատական համակարգ: «Մենք հետեւողականորեն իրականացնում ենք այդ քաղաքականությունը, որը առաջիկայում պետք է ամրապնդվի նոր օրենսդրական փոփոխություններում»,- ընդգծեց Փաշինյանը:

Հայաստանում օրինականության հաստատումը կատարյալ առաջնահերթություն է բոլորիս համար. Փաշինյան
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար