ԵՄ բնակչությունը գերազանցել է 512 մլն-ը

122

Եվրոպական Միության անդամ պետությունների բնակչությունների ընդհանուր թիվը 2018 թ. հունվարի 1-ի դրությամբ հասել է 512.600.000-ի, հայտնում է Eurostat-ը: Նախորդ տարի ԵՄ բնակչությունը 511.500.000 էր:

2017 թ. ընթացքում ԵՄ-ում ծնվել է 5.1 մլն երեխա, մինչդեռ մահացությունը կազմել է 5.3 մլն մարդ: Սա նշանակում է, որ բնակչության բնական փոփոխությունը բացասական է եղել: Սակայն ներգաղթի շնորհիվ բնակչությունն ավելացել է 1.1 մլն-ով:

Ինչ վերաբերում է ԵՄ ամենախիտ բնակեցված պետություններին, ապա դրանք են Գերմանիան (82.9 մլն), Ֆրանսիան (67.2 մլն), Մեծ Բրիտանիան (66.2 մլն) և Իտալիան (60.5 մլն):

2017 թ. բնակչությունն ավելացել է ԵՄ 19 երկրում ու նվազել 9-ում: Բնակչության աճի ամենամեծ տեմպերը գրանցվել են Մալթայում, Լյուքսեմբուրգում, Շվեդիայում, Իռլանդիայում ու Կիպրոսում:

Տպել

Թեմայի այլ նորություններ