Իրանական Չեհբեհար նավահանգիստը ընդգրկվելու է Հյուսիս-Հարավ միջանցքի մեջ

Ադրբեջանն ու Իրանը պայմանավորվել են մեծացնել նավահանգստային և ծովային համագործակցությունն Ալյաթիում ու Էնզելիում ազատ տնտեսական գոտիների միջոցով: Այդ մասին հայտարարել է Իրանի ճանապարհների ու քաղաքաշինության փոխնախարար Մոհամմադ Ռաշտադը:

Նա նշել է, որ երկու երկրները լավ համագործակցություն են հաստատել նաև երկաթգծային փոխադրումների առումով:

Ըստ նրա, իրանական Չեհբեհար նավահանգիստը նույնպես ընդգրկվելու է Հյուսիս-Հարավ միջանցքի մեջ: