Ադրբեջանը 20 հազար զինծառայողի մասնակցությամբ մասշտաբային զորավարժություններ կանցկացնի

536

Ադրբեջանի զինված ուժերը հուլիսի 2-6-ը մասշտաբային զորավարժություններ կանցկացնեն, որոնց կմասնակցեն տարբեր տեսակի զորքեր, հատուկ նշանակության ուժեր, բանակի տարբեր միավորումներ:


Այդ մասին հայտնել է Ադրբեջանի պաշտպանության նախարարությունը, գրում է ԱՊԱ-ն: Զորավարժություններին կմասնակցի մոտ 20.000 զինծառայող, մինչև 120 միավոր տանկ և այլ զրահատեխնիկա, տարբեր տրամաչափի ավելի քան 200 հրթիռահրետանային կայանք, համազարկային կրակի ռեակտիվ համակարգեր և ականանետեր, մինչև 30 միավոր տարբեր նշանակության բանակային և ճակատային ավիացիա:


«Զորավարժությունների ընթացքում կխաղարկվեն ռազմական գործողությունների վարման տարբեր սցենարներ, այդ թվում` պայմանական հակառակորդին հրթիռահրետանային, հրետանային հարվածներ հասցնելու, ավիացիայի ու անօդաչուների կիրառմամբ:


Զորավարժությունների ընթացքում նախատեսվում է նաև մարտական կրակի կիրառում ամենաարդիական զինատեսակներից և ռազմատեխնիկայից, որոնք կան ադրբեջանական բանակի զինանոցում»,- ասվում է հաղորդագրության մեջ:

Տպել

Загрузка...