Նախկին պատգամավոր Առաքել Մովսիսյանին՝ Շմայսին, տեղափոխել են ԱԱԾ

894

Ազգային ժողովի ՀՀԿ խմբակցության նախկին պատգամավոր, ՀՀԿ անդամ Առաքել Մովսիսյանը (Շմայս) Ազգային անվտանգության ծառայության աշխատակիցների ուղեկցությամբ առաջ տեղափոխվել է ԱԱԾ:


Ավելի հաղորդվել էր, որ ԱԱԾ-ն Առաքել Մովսիսյանի առանձնատանը գործողություններ է իրականացրել: Խուզարկությունը տեւել է մոտ 2 ժամ: Առաքել Մովսիսյանի կինը՝ Նելլի Մովսիսյանը, ասել է, որ ԱԱԾ-ականները հայտնել են, թե անօրինական զենք-զինամթերք են փնտրում:


Առաքել Մովսիսյանի առանձնատան խուզարկությամբ հայտնաբերվել է 5-6 ատրճանակ եւ 2 հրացան, որը նրա կնոջ խոսքերով, օրինական է: Առաքել Մովսիսյանն այժմ ԱԱԾ-ում է, նա հարցաքննվում է: 


Առաքել Մովսիսյանի եղբայրը՝ Վոլոդյա Մովսիսյանը, armtimes.com-ին ասել, որ ԱԱԾ աշխատակիցները թույլ չեն տվել առանձնատան դարպասներից առաջանալ: Մեր հարցին՝ ինչ կարգավիճակով են եղբորը ԱԱԾ տարել, պատասխանեց. «Նորմալ»:

Տպել

Թեմայի այլ նորություններ
Загрузка...