29.03.2024
Մանվել Գրիգորյանի փաստաբանը հրաժարվել է նրա պաշտպանությունից
prev Նախորդ նորություն

Նորություններ գործընկերներից

Ինձ համար այդ տեսանյութը ցնցող էր, անսպասելի էր. Շարմազանով

Այն, ինչ հրապարակվեց ԱԱԾ կողմից, մեկ բառով ասել դժվար է՝ վրդովմունք, հիասթափություն: Եթե պարզվեց, որ սա իրականություն է և այն, ինչի համար մեղադրվում է պատգամավորը, համապատասխանում է իրականությանը, ապա դրան արդարացում չկա: Սա մտահոգիչ է, հիասթափեցնող է և վրդովմունք է առաջացնում: Այս մասին Ազատության եթերում ասաց ԱԺ փոխնախագահ, ՀՀԿ խոսնակ Էդուարդ Շարմազանովը:

Նրա խոսքով, պետք է հնարավորություն տալ իրավապահներին օրենքի ողջ ծավալով իրականացնել գործընթաց:

Շարմազանովը նշեց, որ 2016 ապրիլին էլ հայտարարել է, հիմա էլ կրկնում է՝ զինվորի փայը գողացողը, բանակից մեկ լումա վերցնողը ամենախիստ բացասական գնահատականի է արժանի և պետք է պատժվի օրենքի ողջ խստությամբ: Եվ ընդգծեց, որ երկակի ստանդարտներով չի առաջնորդվում՝ անկախ նրանից, թե ով է նման քայլ կատարել, նա արժանի է ամենախիստ գնահատականի:

«Ինձ համար այդ տեսանյութը ցնցող էր, անսպասելի էր և… Անկախ անձից, անկախ հայրենիքի առջև իրականացվածից սա դատապարտելի է: Դրան արդարացում չկա»,-շեշտեց նա:

Էդուարդ Շարմազանովը նշեց, որ այս պահին ԱԺ-ն դատախազի միջնորդություն Մանվել Գրիգորյանի մասով չի ստացել: Բայց ՀՀԿ-ն իր դիրքորոշումը անպայման կհայտնի:


Հիշեցնենք, նախօրեին ԱԱԾ-ն հրապարակեց տեսանյութ, որում երևում է, որ Մանվել Գրիգորյանը իրեն պատկանող հանգստյան գոտին վերածել էր զինապահեստի, ռետրո և ժամանակակից տասնյակ ավտոմեքենաների ավտոպարկի: Ակնալճի ամառանոցը գեներալի համար ծառայել է նաև «զինվորի բաժին» նշագրումով սննդի, հիգիենիկ պարագաների, դեղորայքի, զինվորական հանդերձանքի պահեստարանի: Զինվորներին հասցեագրված արկղերին կից նամակներից ակնհայտ էր, որ արկղերի պարունակությունը դեռևս 2016-ին ապրիլյան քառօրյա պատերազմի օրերին ուղարկված օգնությունն էր առաջնագծի զինվորներին:

Այսքանից հետո Մանվել Գրիգորյանը ապրելու իրավունք չունի. Նաիրա Զոհրաբյան
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար