Պեսկովն արձագանքել է Ղրիմի վերաբերյալ ԶԼՄ-ներում Թրամփի խոսքերին

ՌԴ նախագահի մամուլի քարտուղար Դմիտրի Պեսկովը մեկնաբանել է ԶԼՄ-ներում հայտնված ԱՄՆ նախագահ Դոնալդ Թրամփի այն խոսքերը, որոնց համաձայն, նա իբր Ղրիմը ռուսական է համարել՝ G7-ի ղեկավարների հետ զրույցում:

«Դուք գիտեք fake news-երի գոյության մասին: Ոչ մի ձև չէի մեկնաբանի, քանի որ չգիտենք հավաստիության աստիճանը: Ոչ դուք, ոչ էլ մենք չենք մասնակցել «Մեծ Յոթյակի» հանդիպմանը, և, իհարկե, չենք կարող դատել այդ լուրերի հավաստիության աստիճանը», — հայտարարել է Պեսկովը: