Ժիրայր Սեֆիլյանը, Գեւորգ Սաֆարյանը եւ մյուսներն ազատ արձակվեցին․ նրանց չարդարացրեցին

Վերաքննիչ քրեական դատարանի դահլիճից ազատ արձակվեցին «Նոր Հայաստան» հանրային փրկության ճակատի առաջնորդ Ժիրայր Սեֆիլյանը, քաղաքացիական ակտիվիստ Գեւորգ Սաֆարյանը, Ներսես Պողոսյկանը, Սասունիկ Կիրակոսյանը, Գալուստ Գրիգորյանը եւ Հրայր Թոփչյանը:

Դատարանի որոշմամբ, վերջիններս սակայն ոչ թե արդարցվեցին, այլ ուղղակի նրանց խափանման միջոցը կալանաքից փոխվեց ստորագրությունը չհեռանալու մասին: Մասնավորապես դատարանը մեղմացրեց Սեֆիլյանի նկատմաբ պատիժ նշանակվեց ազատազրկում՝ 5.5 ժամկետով: Նրա նկատմաբ ընտրված խափանման միջոցը փոխարինվեց պատգամավորների երաշխավորությամբ:

Գեւորգ Սաֆարյանի, Ներսես Պողոսյանի, Սասունիկ Կիրակոսյանի, Գալուստ Գրիգորյանի եւ Հրայչ Թոփչյանի նկատմամբ պատիժ նշանակվեց ազատազրկում 2 տարի ժամկետով: Վերջիններս անհապաղ ազատ արձակվեցին դատարանի դահլիճից: 

Հիշեցնենք, որ պաշտպանական կողմը վերաքննիչ բողոքով պահանջում էր ամբողջությամբ բեկանել առաջին ատյանի դատարանի դատավճիռը եւ կայացնել արդարացման դատական ակտ:

Առաջին ատյանի դատարանն ամբողջությամբ ապացուցված է համարել, որ Ժիրայր Սեֆիլյանը Հայոց ցեղասպանության 100-րդ տարելիցին նախապատրաստել է զանգվածային անկարգություններ, հետագայում էլ` արդեն Սահմանադրական հանրաքվեին ընդառաջ, ապօրինի ձեռք է բերել հրազեն ու ռազմամթերք` նպատակ ունենալով գրավել ռազմավարական նշանակության շենքեր, իշխանություններին պարտադրել ինչ-որ գործողություններ:

Ժիրայր Սեֆիլյանն իր իսկ գործով քննությանն այդպես էլ չկարողացավ ո՛չ ցուցմունք տալ, ո՛չ էլ հանդես գալ պաշտպանական ճառով եւ անգամ վերջին խոսքով․ դատավորը թույլ չտվեց նրան խոսել նստած: