Թուրքիան մտադիր է տիեզերագնաց ուղարկել տիեզերք

651

Թուրքիան մոտ ապագայում ծրագրում է զարգացնել տիեզերական հետազոտություններն ու նույնիսկ տիեզերագնաց ուղարկել տիեզերք։ Այդ մասին հայտարարել է նախագահ Ռեջեփ Թայիփ Էրդողանը:


Էրդողանի խոսքով՝ իրենք արդեն սկսել են սեփական արբանյակներ տիեզերք ուղարկելու նախագծի աշխատանքները։ Նա վստահություն է հայտնել առ այն, որ թուրք երիտասարդությունն իր նախաձեռնողականությամբ կնպաստի ծրագրի հաջողությանը։


«Աշխատանքներն արդեն սկսված են, գործընթացը մեկնարկել է։ Գուցեև հենց ձեր՝ մեր երիտասարդների շնորհիվ մենք կհասնենք մի կետի, որ կարողանանք արդեն տիեզերագնաց ուղարկել տիեզերք», - ասել է նա։


Թուրքիայի նախագահը նաև պնդել է, որ երկրի ընդդիմությունը պատրաստ չէ երկիր ղեկավարելուն ու որևէ օգուտ չի կարող բերել ժողովրդին։


«Արհեստավորը խանութն աշակերտի հույսին կթողնի՞։ Սրանք նույնիսկ աշակերտ էլ չեն։ Սակայն մենք 16 տարվա փորձ ունենք, մենք երբեք անգործ չենք կանգնել», - ասել է Էրդողանը։

Տպել

Թեմայի այլ նորություններ