29.03.2024
Պարգևավճարներ ոստիկանությունում՝ «ատկատով». հարուցվել է քրեական գործ
prev Նախորդ նորություն

Նորություններ գործընկերներից

Իմ երազած վարչապետը չէ, բայց բանակցություններում նրա մեջքին կանգնած եմ. Շարմազանով

Արտահերթ ընտրությունների ժամկետների մասին դեռ վաղ է խոսել: Այս մասին լրագրողների հետ ճեպազրույցում նշեց ՀՀ ԱԺ ՀՀԿ-ական փոխնախագահ Էդուարդ Շարմազանովը։

Նա նշեց, որ այդ հարցը պետք է քննարկվի, «ամեն ինչի համար իրավական և քաղաքական հիմնավորում պետք է լինի», բայց կոնկրետ այս պահին ինքը դա չի տեսնում:

Շարմազանովը նկատեց, որ արտահերթ ընտրությունների հիմք կարող է լինել Նիկոլ Փաշինյանի ներկայացրած կառավարության ծրագրի ձախողումը, սակայն վարչապետի հայտարարություններից պարզ է դառնում, որ նա չի պատրաստվում ներկայացնել այնպիսի ծրագիր, որը կմերժվի։ Հետևաբար, եթե ծրագիրն ընդունվի, ապա առաջիկա ամիսներին արտահերթ ընտրություններ անցկացնելը բացառված է.

«Բայց քաղաքականության մեջ ոչինչ բացառված չէ», - ավելացրեց Շարմազանովը:

ՀՀԿ-ական պատգամավորն անդրադարձավ նաև ղարաբաղյան հակամարտության մասով Նիկոլ Փաշինյանի հայտարարություններին՝ նշելով, որ թեև դրանք չեն բխում Հանրապետական կուսակցության դիրքորոշումից, բայց ցանկացած բանակցություններում ինքն աղոթելու է հաջողության համար: Անկախ նրանից, որ իր երկրի վարչապետի հետ ինքն ունի խորը գաղափարական և քաղաքական տարաձայնություններ, բայց Փաշինյանի յուրաքանչյուր հանդիպման ժամանակ աղոթելու է, որ վերջինս հաջողի:


«Նիկոլ Փաշինյանն իմ երազած վարչապետը չէ, բայց ցանկացած բանակցություններում ես նրա մեջքին կանգնած եմ, որովհետև ինքը իմ պետության վարչապետն է։ Թող Ալիևն էլ, Էրդողանն էլ դա իմանան: Որովհետև եթե Փաշինյանը հաջողի բանակցոթյուններում, դա նաև կնշանակի Հայաստանի հաղթանակը, որը մենք միայն կողջունենք», - հավելեց ԱԺ փոխնախագահը:

Շրջադարձային փուլերում մանկամիտ ազդակները երբեմն լինում են կործանարար. Ֆարմանյան
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար