Ղարաբաղի հարցում Բաքուն ու Երևանը գործում են հետհայացք գցելով ՌԴ–ին

Նիկոլ Փաշինյանը հայտարարել է, որ ցանկանում է բանակցային ֆորմատի փոփոխություն` «Ղարաբաղը մերն է»։ Բաքվում իհարկե պատասխանել են, որ «ադրբեջանական դրոշը ծածանվելու է Շուշիիում ու Հանքեդնիում»։ Ալիևը նշել է, որ «Ադրբեջանի տարածքային ամբողջականությունը քննարկման ենթակա չէ», փոխանցում է rosbalt.ru–ն։

Փաշինյանը դեռևս կողմ չէ զիջելու, սակայն պետական գործչի փորձի հետ մեկտեղ նա կընկալի փոխզիջումների արվեստը, եթե իհարկե Ադրբեջանը նրան ժամանակ տա դրա համար։

Փաշինյանը առկա ստատուս–քվոն ապահովելու համար ստիպված է լինելու աշխատել ՌԴ–ի հետ։ Բաքուն ու Երևանը Ղարաբաղի հարցում հաշվի են նստում ՌԴ–ի հետ։ Մոսկվան ՀՀ–ի ազգային անվտանգության երաշխավորն է։

ՌԴ–ն այժմ զբաղված է բազմաթիվ արտաքին ու ներքին մարտահրավերներով, սակայն նա չի կարող «բաց թողնել» հայ–ադրբեջանական հարաբերություններում առկա զարգացումները։ Դրանք ուղիղ ազդում են Մոսկվայի արտաքին քաղաքականության, ռուսական սահմանների անվտանգության ու Հարավային Կովկասի կայունության վրա։