Սերժ Թանկյանը ԱԺ-ում է. նա կհետևի վարչապետի ընտրությանը տեղում

Աշխարհահռրակ System of a Down ռոք խմբի մենակատարա Սերժ Թանկյանը Ազգային ժողովում է: Նա հենց խորհրդարանում կհետևի վարչապետի ընտրությանը:

Լրագրողների հետ ճեպազրույցում Սերժ Թանկյանն ասաց, որ քննարկումների ժամանակ լինելու է խորհրդարանում, գուցե կմնա մինչև վերջ:

Նա վստահ է, որ ժամանակի ընթացքում՝ բարեփոխումների շնորհիվ կփոխվի իրավիճակը Հայաստանում և արտագաղթած հազարավոր հայեր կվերադառնան հայրենիք:

«Ես թափառական անձ եմ , բայց տարին մեկ-երկու ամիս ուզում եմ մնալ Հայաստանում»,- ասաց նա ի պատասխան հարցի՝ հնարավո՞ր է, որ ինքն էլ վերադառնա:

Սերժ Թանկյանը Հայաստանում կմնա մոտ մեկ շաբաթ: Համերգ տալ այս այցի շրջանակում չի պատրաստվում:

Նշենք, որ րոպեներ անց ԱԺ-ում կմեկնարկի վարչապետի ընտրությունը:

Հանրապետությայն հրապարակն արդեն բազմամարդ է: Քիչ անց Ազգային Ժողովում կմեկնարկի ՀՀ վարչապետի ընտրությունը: