19.03.2024
ՄԻՊ արագ արձագանքման խմբերը այցելում են ոստիկանության բաժանմունքներ
prev Նախորդ նորություն

Նորություններ գործընկերներից

Թող Արմեն Սարգսյանը Սերժ Սարգսյանի հետ երկխոսի, որ հրաժարվի վարչապետությունից. Սանասարյան

Թող Արմեն Սարգսյանը Սերժ Սարգսյանի հետ երկխոսի, որ նա հրաժարվի վարչապետությունից: Այս մասին հայտարարեց «Մերժիր Սերժին» նախաձեռնության անդամ Դավիթ Սանասարյանը՝ արձագանքելով ՀՀ նախագահ Արմեն Սարգսյանի՝ երկխոսելու մասին հայտարարությանը:

Նշենք, որ Դավիթ Սանասարյանը այսօր առավոտյան Երևանի Հանրապետության հրապարակ-Ամիրյան խաչմերուկից ոստիկանության Կենտրոնի բաժին էր բերման ենթարկվել: Այս պահին նրան ազատ են արձակել:

Սանասարյանը, նախ, շնորհակալություն հայտնեց ոստիկաններին իրենց բերման ենթարկելու համար, քանի որ՝ «գոնե մի քանի ժամ հանգստացա»: Հետո նշեց, որ ներսում շատ բերման ենթարկված քաղաքացիներ կան, սակայն նրանք բոլորը պինդ են ոգով.

«Բոլոր բերման ենթարկվածները իրենց վստահ են զգում, դահլիճում էլ Սերժ Սարգսյանի նկարը կախված չէր: Կարող եմ ասել, որ ոստիկանները մեզ սիրում են»,- հայտարարեց ակտիվիստը:


Դավիթ Սանասարյանը պատմեց, որ իրեն բերման են ենթարկել փողոցը փակելու ակցիայի ժամանակ: Սանասարյանի հավաստմամբ՝ փողոցը բացել են ոչ թե ոստիկանները, այլ ցուցարարները՝ իր կոչով, սակայն ոստիկանները խնդիր են ունեցել իրեն մեկուսացնելու և արել են դա:

Քաղաքը եռում է. ցուցարարներին բերման են ենթարկում նաև քաղաքային ավտոբուսներով ԹԱՐՄԱՑՎՈՂ
Հաջորդ նորություն next