Բաքվին Պոլոնեզի վաճառքը չի հակասում ՀՀ–ի հետ Բելառուսի դաշնակցային հարաբերություններին

Մինսկի կողմից Բաքվին Պոլոնեզի վաճառքը չի հակասաում Բելառուսի դաշնակցային հարաբերություններին ՌԴ–ի ու ՀՀ–ի հետ։

Այդ մասին հայտարարել է Բելառուսի Լիբերալ–Դեմոկրատական կուսակցության ղեկավարի տեղակալ Օլեգ Հայդուկևիչը։

Նա նշել է, որ Ադրբեջանին Պոլոնեզի վաճառքի մասին դեռևս պաշտոնական հայտարարություններ չեն հնչել։ Ըստ նրա, այդ զենքը շատ հզոր է, սակայն այն չպետք է համեմատել Իսկանդերի հետ`նրանց միջև կան մարտավարական տարբերություններ։

Նա խոսքով, Պոլոնեզները կարող են պաշտպանել Ադրբեջանը`այդ զենքի արդյունավետությունն ընդունում են անգամ ռուսաստանցի փորձագետները։

Հայաստանի ԱԳՆ-ն ու ՊՆ-ն արձագանքել են «Կոմերսանտ» պարբերականի տարածած տեղեկատվությունն առ այն, որ 2018 թվականին Բելառուսը մտադիր է տաս «Պոլոնեզ» համազարկային կրակի ռեակտիվ համակարգեր մատակարարել Ադրբեջանին:

Հայկական կողմը ափսոսանք է հայտնում, որ զինված ուժերի նկատմամբ քաղաքացիական վերահսկողություն չունեցող երկիրին՝ Ադրբեջանին, սպառազինությունների նման տեսակ է վաճառվում, ինչը որեւէ կերպ չի նպաստում տարածաշրջանում խաղաղության ամրապնդմանը:

Ավելի վաղ ռուսական «Կոմերսանտ» պարբերականը տեղեկություն է հրապարակել այն մասին, որ 2018 թվականին ՀԱՊԿ-ի գծով Հայաստանի դաշնակից Բելառուսը մտադիր է իրականացնել տասը «Պոլոնեզ» համազարկային կրակի ռեակտիվ համակարգերի առաջին արտահանման համաձայնագիրը:

Համակարգի հավանական պատվիրատուն համարվում է Ադրբեջանը. վերջինիս պաշտպանության նախարարն այցելել էր Բելառուս, որտեղ ծանոթացել էր համակարգերի արտադրման տեխնոլոգիաների հետ: