Նիկոլ Փաշինյանը տարավ բազմահազար ցուցարարներին դեպի Ազգային Ժողով (թարմացվող)

304

Քիչ առաջ Ֆրանսիայի հրապարակում ընթացող հանրահավաքում ելույթի ժամանակ Նիկոլ Փաշինյանը կոչ արեց ցուցարարներին շարժվել դեպի Ազգային Ժողով:


Նա նշեց, որ իրեն թույլ չեն տվել գնալ դեպի Ազգային Ժողով, թեև դա իր աշխատավայրն է: Եվ ուրեմն բոլորով պետք է գնանք: Միևնույն ժամանակ նա հորդորեց զերծ մնալ բախումներից, ոստիկանների հետ բախումներ չհրահրել, անգամ այն դեպքում, եթե  ոստիկաններն իրենց հարվածեն, ապա ժպիտով ընդունեն դա:

Նշենք, որ այս պահին ոստիկանությունը մեծ թվով ուժեր է կենտրոնացրել Բաղրամյան պողոտայում: Նրանք, հատկապես, կենտրոնացած են Գրողների միության հատվածից սկսած՝ փակելով դեպի Ազգային ժողովի շենք հատվածը: Ոստիկանները զինված են մահակներով ու վահաններով:


15.36


Ոստիկանների կողմից կիրառված հատուկ միջոցներից վիրավորվածներ կան: Ըստ ամենայնի՝ կան քաղաքացիներ, որոնք վիրավորվել են նաև ոստիկանների մահակներից՝ որոշ անձանց դեմքին արյուն է: Իրավիճակը շարունակում է լարված մնալ:


15.33


Ոստիկանությունը հատուկ միջոցներ կիրառեց ցուցարարների նկատմամբ: 


15.23


Ցուցարարներին հաջողվեց ճեղքել ոստիկանների պատնեշը, բայց քիչ վերև՝ Սահմանադրական դատարանի հատվածում փշալարեր են: Նիկոլ Փաշինյանը վնասվածք է ստացել՝ նրա երեսին արյուն է երևում: Ոստիկանությունը նոր ուժեր է քաշում դեպի ցուցարարները:


Հիշեցնենք, Երեւանում ապրիլի 16-ի առավոտյան սկսվել են Սերժ Սարգսյանի վարչապետության դեմ անհնազանդության գործողությունները, որոնց անցնել կոչ արեց երեկ Նիկոլ Փաշինյանը՝ հանրահավաքների երրորդ օրվա երեկոյան հանրահավաքի ժամանակ:


VERELQ-ը ներկայացնում է անհնազանդ Երևանի ֆոտոշարքը:

Տպել

Թեմայի այլ նորություններ