29.03.2024
Շատ-շատերը անհնար էին համարում այս տեսարանը. Փաշինյանը՝ հազարավոր ցուցարարներին (live)
prev Նախորդ նորություն

Նորություններ գործընկերներից

Ես ձեզանից մեկն եմ. Հայկ Մարությանը ելույթ ունեցավ Ֆրանսիայի հրապարակում

Դերասան Հայկ Մարությանը քիչ առաջ միացավ Ֆրանսիայի հրապարակում հավաքված ցուցարարներին ու ելույթ ունեցավ:


Նա ողջունեց հավաքված հազարավոր քաղաքացիներին և հայտարարեց, որ զարմացած է, որովհետև անկախ մեկը մյուսից, անկախ ինչ-որ կազմակերպություններից ու կազմակերպիչներից ամեն մեկը իր տեղում ինչ-որ բան է արել: Նա նշեց, որ հիացած է երիտասարդությամբ, իրենց ցուցաբերած անհնազանդությամբ և շեշտեց, որ վստահ է հաջողության մեջ.

«Ինձ հաճախ հարցնում են՝ հն՞, մի բան կլինի՞: Արդեն լինում ա, արդեն եղել ա: Եե մեկին թվում է, որ այն պրոցեսը, որը անցնում ենք, պետական պրոցես չի, նա չարաչար սխալվում է: Մենք ընդամենը 25 տարվա պետություն ենք, մի օրում ոչինչ չի լինում և ամենակարևորը՝ նստած տեղում ոչինչ չի լինում», -հայտարարեց նա:

Մարությանը հայտարարեց, որ հավաքվածներից մեկն է և այնքան ոգևորված է, որ տեսնում է այդքան մարդ Ֆրանսիայի հրապարակում և դեռ որքանն էլ Երևանի այլ հատվածներում են.


«Եթե ազգը ոտքի է կանգնում նրա ձայնը դառնում է լսելի»,- ասաց դերասանը:


Մարությանը հայտարարեց, որ շատ մարդկանց հետ է շփվում և բոլորը դժգոհ են իրենց կյանքից: Պաշտոնապես, ասաց նա, աղքատությունը Հայաստանում կազմում է 30 տոկոս և սա սարսափելի թիվ է:


«Կեցցե՛ վաղվա Հայաստանը, ազա՛տ, անկա՛խ Հայաստանը»,- հավելեց իր ելույթը սիրված դերասանը:

Գյումրին միացել է պայքարին. ավտոերթով շարժվելու են Երևան
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար