ԱՄՆ-ն պատրաստվում է Սիրիայի հետ կապված նոր պատժամիջոցներ կիրառել Ռուսաստանի դեմ

218

ԱՄՆ-ի իշխանությունները Սիրիայում քիմիական հարձակման կապակցությամբ մտադիր են նոր պատժամիջոցներ սահմանել Ռուսաստանի Դաշնության դեմ:


Այս մասին CBS-ին տված հարցազրույցում հայտարարել է ՄԱԿ-ում ԱՄՆ-ի մշտական ներկայացուցչի Նիկի Հեյլին։


«Ռուսաստանի դեմ նոր պատժամիջոցներ են սպասվում: ԱՄՆ ֆինանսների նախարար Մնուչինը կհայտարարի դրանք երկուշաբթի օրը… Պատժամիջոցները կսահմանվեն այն ընկերությունների նկատմամբ, որոնք առնչություն ունեն Ասադի հետ կապված սարքավորումների եւ քիմիական զենքի կիրառման հետ», - նշել է Հեյլին:


Ավելի վաղ հայտնի դարձավ, որ ԱՄՆ Կոնգրեսում պատժամիջոցների փաթեթ է պատրաստվում ՌԴ պետպարտքի ու պետական բանկերի դեմ, որով նախատեսվում է արգելել բոլոր գործողությունները ՌԴ պետպարտքի հետ ԱՄՆ բոլոր ֆիզիկական և իրավաբանական անձնաց:


Այդ լուրերի ֆոնին նվազեց ռուսական ռուբլու փոխարժեքը, որը, սակայն, սկսեց վերականգնվել ԱՄՆ ֆինանսների նախարարի հայտարարությունից հետո, որի համաձայն ՌԴ պետպարտքի դեմ պատժամիջոցներն արդարացված չեն:


Այնուհետեւ հաղորդվեց, որ ՌԴ Պետական Դումա է ներկայացվել ԱՄՆ-ի եւ այլ պետությունների դեմ պատասխան պատժամիջոցների մասին օրինագիծը: Փաստաթուղթը ներկայացրել են խորհրդարանական 4 խմբակցությունների ղեկավարները՝ «Եդինայա Ռոսիայի», ՌԴ Կոմունիստական կուսակցության, Ռուսաստանի Լիբերալ-դեմոկրատական կուսակցության եւ «Սպրավեդլիվայա Ռոսիայի»:

Տպել

Թեմայի այլ նորություններ